Сынықты емдеудің үшінші принципі – орнынан тайған сынықтарды репозициялау қажеттілігі.

Репозицияның келесі түрлерін ажыратады:

1.Ашық – визуальды бақылаумен операция кезінде жасалады.

2.Жабық – сынық аймағы жаңалаштанбайды.

А. Бір сәтті –

· Қолмен – дәрігер қолымен жасалады

· Аппаратты – арнайы аппараттар көмегімен жасалады

Б.Біртіндеп (ұзақ) – қаңқадан тарту және біртіндеп жүкті қосу арқылы.

3.Сүйек арқылы репозиция.

Сынықшалардың оперативті репозициясы – батырмалы остеосинтез кезінде, жабық сүйек арқылы остеосинтез операцияның бастапқы сатысы болып табылады.

Бір сәтті жабық репозицияамбулаторлы мекемелерде негізгі емдеу тәсілі болып табылады.Буынның шығуын, білек сүйектерінің, шыбық сүйектерінің типті жерден сынуын, білек сүйектерінің диафизарлы аймақта сынуын, иық сүйектің хирургиялық мойны мен дифиздің дистальды бөлігінің сынуын, табан жарақаттарын, диафизарлы аймақтағы балтыр сүйегінің, тізе буынның жарақаттарын стационардағы емін бір сәтті репозициядан бастайды.Бір сәтті репозицияға кері көрсеткіш болып, ішкі мүшелердің ауыр декомпенсациялы аурулары болып табылады. Уақытша кері көрсеткіш болып III – IV дәрежелі шок және тыныс алудың бұзылуы болып табылады.

Бір сәтті репозицияның 2 түрін ажыратады:

А) қолмен

Б)аппаратпен (11 – сурет)

Ұзын түтікті сүйектердің бір сәтті репозицияны жүзеге асырғанда екі ережені сақтау қажет: біріншісі – түтік сүйектің дистальды бөлігін осі бойынша орталықтап орналастыру қажет.Екіншісі – жүзеге асырғанда көмекшілердің бірі ұзындығы бойынша тракция жасайды.

Бір сәтті аппарат арқылы репозицияда жоғарыдағы ережелер орындалуы тиіс.Аппараттардың әсер ету принципі аяқтың дистальды бөлігі аппаратта бекітіледі, аппараттың тісті берілістердің, винттің, тросстың айналуы көмегімен дистальды ьөліктің тракциясы жасалады.Осы уақытта травматолог сынықшалардың ені мен осі боцынша орнынан таюын қолмен жояды.

Сур. 11.Бір мезетті репозицияға арналған құралдар: а — ортопедиялық үстел,операция алды репозиция үшін; б — Гофф рамасы, в – аппарат РГ-1.

Қаңқадан тартудың сынықты репозиция мен фиксациялау мүмкіндіктері бар.Ұзын түтікті сүйектерді қаңқадан тарту әдісімен емдегенде, сынықшалардың репозициясы үшін дистальды бөлікті тарту орталық бөлік бойынша жүргізілуі тиіс.Тек осы жағдайларда ғана сынықшалардың орнына түсуі жүзеге асады.

Не нашли, что искали? Воспользуйтесь поиском: