Білім беру доктринасы мен концепциясы.

Елбасы Нұрсұлтан Әбішұлы Назарбаевтың «Қазақстан 2030» барлық Қазақстандықтардың өсіп-өркендеуі, қауіпсіздігі және әл-ауқатының артуы» атты жолдауы еліміздің келешек дамуын айқындаған жолдау екені баршаға мәлім.Біз осы жолдаудың негізінде Еліміздің біртұтас мемлекеттік білім беру саясатының стратегиялық мақсаты мен приоритетін, жастар тәрбиесінде адамгершілік-рухани тәрбие рөлінің артуы жағдайында, оны іске асыруды анықтайтын Қазақстан Республикасының білім беру жүйесін дамытудың біртұтас доктринасы, концепциясы, стратегиясы және жоспарының негізгі бағыттары айқындалған, «Қазақстанның 2030 жылға дейінгі білім жобасын»жасау қажет деп ойлаймыз. Бұл жоба жеке тұлғаны жан-жақты дамытуға, рухани және әлеуметтік-адамгершілік әлеуеті бай, денсаулығы мықты, шындықты жақсы көретін, ар-ожданын сақтау заңдылығымен өмір сүретін, еңбекті сүйетін және жғары жауапкершілік қасиеті бар адамдарды тәрбиелеуге бағытталуы қажет деп есептейміз.

Қазақстан Республикасының білім беру жүйесін 2030 жылға дейін дамытудың отандық және шетелдік тәжірибелі зерттеу негізінде жасалған Ұлттық Доктринасы, еліміздің білім беру жүйесін дамытудың негізгі ұлттық идеясын, Концепциясын- білім беру жүйесінің барлық деңгейінің мақсаттары мен міндеттерін және оларға жету жолдары стратегиясы. Концепцияны іске асыруға қажетті біртұтас басқару жүйесін, жоспардың негізгі бағыттары стратегияны іске асыру жоспарын анықтауы керек.

«Қазақстан 2030 білім жобасы» жасалып, еліміздің білім беру жүйесін дамытудың мақсат-міндеттері айқындалған жағдайда, білім беру саласында жүргізілетін реформалар ғылыми негізде, жоспарлы түрде, нәтижелі жүргізілетін болады деп есептейміз.

Не нашли, что искали? Воспользуйтесь поиском: