ТОР 5 статей: Методические подходы к анализу финансового состояния предприятия Проблема периодизации русской литературы ХХ века. Краткая характеристика второй половины ХХ века Характеристика шлифовальных кругов и ее маркировка Служебные части речи. Предлог. Союз. Частицы КАТЕГОРИИ:
|
Чюдо о князе Борисе Палецкомъ и о попе ВасилииБывшу некогда князю Борису Палецкому велми изнемогающу прииде в домъ Преображениа Спасова молитися. Старець же Генадие велми радостенъ о посеще//нии княжи созывает братию и сретает князя во святыхъ вратехъ со достойными молитвами и подаетъ ему посошецъ худ в руце княже и того часа князь здравъ бысть, паче прославихъ Бога и угодника его старца Генадия. Людие же возрадовашеся о здравии князя и паки князя удоволих милостынею старца и братию. Таже возвратися в домъ свои со всеми людми. Благословение же старцево посошецъ даде вести попу Василию. Попъ же загордеся на князя и похуляя благословение старцево, верзе посошецъ в Кострому реку и бысть жалость велия князю о благословении старцове. Егда же бысть поп в дому своемъ, обрете попадью свою мертву и самъ впаде в великий недугъ. Таже попъ нача каятися своего греха, яже смеяся князю и старцу о пососе и обещася попъ пострещися в дому Спасове у святаго старца. Не по мнозе времени от своего дому попъ вниде во обитель Спасову, припаде ко преподобному, прося у него благословениа и прощениа своей дерзости и да же бы причелъ его къ своему богоизбранному// стаду. Старецъ, благословивъ попа, и глагола ему: «Брате, Христос рече: “Приходящаго не иждену вонъ”». Потом же повелеваетъ стрищи попа и нарещи имя ему Варлаамъ. Поживе же поп время доволно во обители Спасове и по благословению святаго старца бысть поп игумен в лавре чюднаго Богоявлениа среди града Костромы. Такоже князь Борис подаде колоколъ от пятидеся рублевъ в домъ Спасовъ и преподобнаго старца Генадия. Не нашли, что искали? Воспользуйтесь поиском:
|