ТОР 5 статей: Методические подходы к анализу финансового состояния предприятия Проблема периодизации русской литературы ХХ века. Краткая характеристика второй половины ХХ века Характеристика шлифовальных кругов и ее маркировка Служебные части речи. Предлог. Союз. Частицы КАТЕГОРИИ:
|
Медициналық симуляция сценариіКлиникалық жағдай: «Жанұялық амбулатория жағдайында аяқ веналарының варикозды ауруымен сырқаттанған науқасты диагностикалау және жүргізу тактикасы».
Жағдай: Сіз – жалпы тәжірибелі дәрігерсіз. Қабылдауға 45 жасар әйел келді.
Ø Анамнез жинаңыз және науқасты қарап-тексеріңіз. Ø Лабораторлық-аспаптық зерттеулердің нәтижелерін талдаңыз. Ø Диагноз қойыңыз Ø Науқасты жүргізу тактикасын анықтаңыз. Ақырғы нәтиже (outcomes): Ø Сұрастыру және науқасты қарап-тексеру Ø Веналардың варикозды кеңеюінің клиникалық диагностикасы Ø Жалпы қан анализін, жалпы зәр анализін, қанның биохимиялық анализін, аяқ тамырларын УДДГ жасау және олардың нәтижелерін талдау. Ø Веналары варикозды кеңейген науқасты жүргізу тактикасы Ø «Жанұялық амбулатория жағдайында аяқ веналарының варикозды ауруымен сырқаттанған науқасты диагностикалау және жүргізу тактикасы» клиникалық жағдайы бойынша бағалау парағы (check-list)
Этап бойынша максималды балл - 20 Актерға (науқас) арналған сценарий мәтіні және оның ролінің сипаттамасы: 45 жасар науқас әйел. Шағымдары: оң аяғындағы веналарының варикозды кеңеюі, кеште балтырларының ісінуі, аяғында ауырлық сезімі және кернелу сезімі.
Анамнезінде: өзін 15 жылдан бері ауырамын деп есептейді, сол кезде босанған соң оң аяғында кеңейген веналар пайда болған. медициналық көмекке жүгінбеген. Әкесінде аяқ веналарының варикозды кеңеюі болған. Объективті: науқас қалпы белсенді. Жалпы жағдайы қанағаттанарлық, есі анық. Дене бітімі нормостеникалық, тамақтануы жасына және жынысына сәйкес келеді, бойы 164см, салмағы 63кг. Тері жабындылары таза, жылы, құрғақ, тіндер тургоры қанағаттанарлық. Көрінетін шырышты қабаттары қалыпты жағдайда. ТЖ минутына 17 рет, ЖЖЖ минутына 74 рет. АҚҚ 110/70 мм сын. бағ. Пальпацияда – іші жұмсақ, ауыру сезімінсіз. Курлов бойынша бауыры 12 х 10 х 9 см. Көк бауыры пальпацияланбайды. Status localis: Қарағанда оң балтыры сол жағымен салыстырғанда жіңішкелеу. Балтырының ортаңғы және төменгі 1/3 бөлігінде, аяқ басында ісіну бар. Балтырының төменгі 1/3 бөлігінің терісі жылтыраған, түзі бозғылт, түктері жоқ, құрғақ, тығыз, жиналмайды. Балтырының алдыңғы және медиалды бетінде кішігірім тері ішілік түйіндер түрінде веналардың варикозды кеңеюі анықталады. Пальпацияда: веналардың консистенциясы тығыз эластикалық, оңай басылады, түйіндер үстіндегі температура басқа ошақтарға қарағанжа жоғары. Зерттеу жоспары: ЖҚА: эритроцит — 4,3 х 1012/л, гемоглобин — 126 г/л, лейкоцит – 6,0 х 109/л, эозинофил — 3%, т/я — 4%, с/я — 63%, лимфоцит — 27%, моноцит — 3%, тромбоцит 260 х 109 , ЭТЖ 15 мм/сағ. ЖЗА: 20мл, сары түсті, 1012, лейк- 3-4 к/а, жалпақ эпит-2-3 к/а, шырыш +, белок-, глюкоза- БҚА: Жалпы белок – 79 г/л, жалпы билирубин – 17,6 ммоль/л, глюкоза – 3,99 ммоль/л, мочевина – 5,1 ммоль/л, креатинин – 75 ммоль/л, К — 3,8 мэкв/л, Nа — 140 мэкв/л, жалпы холестерин - 3,4 ммоль/л, АСТ — 14 Ед, АЛТ — 12 Ед Коагулограмма Ұю уақыты (5-10 мин) – 4 мин Фибриноген (2,0-4,0 г/л) – 5,1 г/л Тромбин уақыты (14-17 сек) – 21 сек БІТУ (Белсендірілген ішінара тромбопластин уақыты 24-35 сек) – 22 сек Аяқ қан тамырларын УДДГ: Балтырдың үлкен тері асты венасының өзегі кеңейген, өткізгіштігі сақталған, өзек компрессиясы толық. Балтырдың жоғарғы және ортаңғы 1/3 бөліктерінде 10 мм дейін кеңею бар, үлкен тері асты венасы бассейнінің тармақтарының өткізгіштігі сақталған. Балтырдың алдыңғы-медиалды бетінде, жоғарғы 1/3 бөлігінде және ортаңғы және төменгі 1/3 бөліктерінің шекарасындағы үлкен тері асты венасының бассейнінде екі дилятациялық перфорант орналасқан, оларда патологиялық қан рефлюксі анықталады. Оң жақта: Тері асты венасының өткізгіштігі сақталған, өзегінің компрессиясы толық, патологиялық қан рефлюксі анықталмайды.
Жанұялық амбулатория жағдайында аяқ веналарының варикозды ауруымен сырқаттанған науқасты диагностикалау және жүргізу тактикасы» клиникалық жағдайы бойынша жауаптар эталоны
Симуляцияның жабдықталуы: 1. Тапсырма жазылған парақ, волонтерге арналған сценарий, қадамдарды бағалау критерилері. 2. Жалпы қан анализі, жалпы зәр анализі, қанның биохимиялық анализі, аяқ тамырларын УДЗ нәтижелері 3. Тонометр 4. Фонендоскоп. 5. Секундомері бар сағат 6. Эластикалық дәкелер 2 ф.к.(21- 23 мм) 7. Латекс қолғаптар мақта шариктер
Жағдай: Оқу бөлмесі– жалпы тәжірибелі дәрігер кабинеті. 1. Кушетка – 1 2. Үстел мен орындықтар 3. Медициналық шкаф
Не нашли, что искали? Воспользуйтесь поиском:
|