Уалиева Жанна Борашевна - қылмыстық құқық және криминология кафедрасының аға оқытушысы.

Кафедрада болу уақыты:

дүйсенбі-сенбі 10.00-17. 00 сағ.

Кафедра Е.А. Бөкетов атындағы ҚарМУ Бас ғимаратында № 427-аудиторияда орналасқан.

3.2 Пререквизиттері:

Осы пәнді табысты игеру үшін студенттерге «Қазақстан Республикасы қылмыстық құқығы» (Жалпы және Ерекше бөлімдері), сол сияқты мемлекет және құқық теориясы, мемлекет және құқық тарихы, криминология, құқықтық статистика курстарын игеру барысында жинақтаған білімдері қажет болады.

3.3 Постреквизиттері:

Қазақстан Республикасы қылмыстық құқығының ерекше бөлімін игеру барысында алған білімін студенттер қылмыстық құқықтық циклдің басқа курстарын (криминологияны, қылмыстық атқару құқығын, құқықтық статистиканы, қылмыстық процесті, криминалистиканы) игеруде қажет болады.

Студент оқу материалдарын ойдағыдай игеретін болса, қылмыстық құқықтық нормалардың мазмұнын талқылау және ұғыну қабілеттіліктеріне, нақты қылмыс құрамының белгілерін анықтауға, қоғамдық қауіпті әрекеттерге қылмыстық құққытық талдау жасауға үйренетін болады.

Оқу пәнінің мақсаты – студенттерге терең теориялық білім беру және оның негізінде сот және құқық қорғау органдарына жүктелетін міндеттірді табысты орындауға қажетті біліктілік пен дағдыларды орнықтыру.

Негізгі міндеттері: қылмыстық жазаланушы әрекеттердің түрлері туралы жүйелендірілген теориялық білім алу; қолданыстағы қылмыстық заңнаманы және сот-тергеу тәжірибесін еркін қолдана білу; ҚК Ерекше бөлімінің нормаларын қолдану және талқылау, қылмыстарды саралау қабілеттіліктеріне үйрету; қылмыстық заңды азаматтардың құқықтары мен бостандықтарын, қоғам мен мемлекеттің мүдделерін қылмыстық қол сұғушылықтардан қорғаудың бірден-бір құралы ретінде құрметпен қарауды қалыптастыру.

Арнайы курсты игеру барысында студенттер сыбайлас жемқорлыққа қарсы заңнаманың негізгі ережелерін меңгеруге, қылмыстық құқықтың ерекше бөлімін игеру кезінде айтарлықтай толық қарастырылмаған саралау мәселелеріне ерекше назар аудара отырып, қолданыстағы қылмыстық заңнаманың сыбайлас жемқор қылмыстар үшін жауапкершілік көздейтін нормаларын зерттеуге тиіс. Студент коррупциялық қылмыстарға қарсы күрес жайлы статистикалық мәліметтерді талдап, болашақ кәсіби қызметіне қажет біліктілікке ие болуы керек.

Студенттер теория мен практика талаптарына сай заңнаманы еркін қолдана алуы керек, заңды, Жоғары сот қаулыларын дұрыс талқылап, қолдану қабілеттігіне ие болуы керек. Студенттер айғақтарды дұрыс саралаап, мән-жайларға тиісінше баға бере алуы керек, құқықтық шешімдер қабылдап, заң тұрғысындағы басқа да әрекеттер жасай алатын болуға тиіс.

Не нашли, что искали? Воспользуйтесь поиском: