Дайындауға қойылатын техникалық талаптар

2.1. Сипаттамалар

2.1.1. Қазақстан Республикасының Мемлекеттік Елтаңбасы мифтік тұлпарлардың қанаттары көмкерген, жан-жағына күн сәулесі түрінде «уықтар» (тіреулер) таратылған, көгілдір түс аясындағы «шаңырақ» (киіз үйдің жоғарғы күмбез бөлігі) бейнесін білдіреді. Мемлекеттік Елтаңбаның төменгі бөлігінде «Қазақстан» деген жазу бар, Ж қосымшасы [1].

2.2. Қазақстан Республикасының Мемлекеттік Елтаңбасы осы
стандарттың талаптарына сәйкес, техникалық құжаттама және белгіленген тәртіппен бекітілген эталон-үлгі бойынша дайындалуға тиіс.

2.3. Мемлекеттік Елтаңба көлемді және графикалық бейнеде орындала алады. Мемлекеттік Елтаңбаның түрлі түсті орындалуында 2 түс – алтын және көгілдір түс қатысуы керек. Графикалық суреті бір түсті, екі түсті және түрлі түсті бола алады.

2.3.1. Мемлекеттік Елтаңбаны көлемді орындау, оның өлшемдері мен оны алудың технологиялық тәсіліне қарамастан, бұйымның ұзақ сақталуын және беріктік қасиеттерін қамтамасыз ететін құрама элементтердің пішіні, өлшемдері және пропорционал байланысы бойынша (В қосымшасы) Мемлекеттік Елтаңбаның эталон-үлгісіне (Ж қосымшасы [3]) және техникалық қүжаттамаға (Д қосымшасы) сәйкес келуге тиіс.

Мемлекеттік Елтаңбаны көлемдік орындаған жағдайда: сәулелердің арасы мен «шаңырақтың» ішіндегі дөңес бөлігінде және «кереге» арасы көгілдір түспен, ал Елтаңбаның қалған бөліктері алтын түспен жабылады.

Көгілдір түс 3125С нөміріне (Ж қосымшасы, [5]), алтын түс 873
нөміріне (Ж қосымшасы, [6]) сәйкес келуге тиіс.

2.3.2. Мемлекеттік Елтаңбаның графикалық кескіні кез келген: типографиялық, басып шығару, құю, нақыштау, жұқалтырмен бедерлеу сияқты технологиялық тәсілмен, компьютерлік графиканың көмегімен немесе оның өлшеміне қарамастан қызмет ету мерзімі ішінде Мемлекеттік Елтаңбаның анық және айқын бейнесін қамтамасыз ететін тәсілмен орындала алады.

Бір түстегі контурлық сызықпен жасалған Мемлекеттік Елтаңбаның бейнесі бір түсті болып табылады. Контурлық сызықтардың түсі қара немесе алтын түстес болуы мүмкін. Осы сызықтармен шектелген кеңістік түспен толтырылуға тиіс және қағаздың түсін немесе Мемлекеттік Елтаңбаның бейнесі орналасқан басқа да тасымалдағыштың түсін сақтап қалуға тиіс. Мемлекеттік Елтаңбаның көлемді (бедерлі, биік бедерлі, қима) бейнесін, сондай-ақ металдағы бейнесін (шеку, қырнау және басқа әдіспен) жасаған кезде жасалған материалдың түсіне сэйкес келетін бейне бір түсті болып саналады.

Стандартпен белгіленген түс - көгілдір түс және алтын түске сәйкес орындалған кескін екі түсті болып табылады. Көгілдір түс Рапtопе халықаралық атластың түстік анықтамалығының 3125С (СМҮК: С-89 М-0 Ү-20 К-0, RGВ: R-0 G-176 В-199), «алтын» түс 109 (СМҮК: С-0 М-10 Ү-100 К-0, RGВ: R-225 G-196 В-24) нөміріне сәйкес келуі керек, (Ж қосымшасы [5]).

Мемлекеттік Елтаңбаның түрлі түсті кескіні оның фотосуреті болып табылады. Фотосуретті Мемлекеттік Елтаңбаның үлгі-эталонынан ғана пайдалануға рұқсат етіледі.

2.4. Стандартта белгіленген өлшемдерден +1% шегінде ауытқу рұқсат етіледі.

Не нашли, что искали? Воспользуйтесь поиском: