Хлорид -анионының СI- дербес реакциялары

Хлорид - ионы СI^- күшті қышқылдардың бірі болып саналатын хлорсутек (тұз) қышқылының анионы. Бұл қышқылдың күшті негіздердің катиондарынан түзілген тұздары гидролизге ұшырамайды. Хлоридтерінің көпшілігі дерлік (күміс, сынап (I) және қорғасын хлоридтері суда ерімейді) суда жақсы ериді.

I. Күміс нитраты АgNO₃ СI^- анионымен ақ сүзбе тәрізді күміс хлоридінің тұнбасын түзеді. Тұнба суда және қышқылдарда ерімейді. Аммиак ерітіндісінде еріп, күмістің комплексті тұзын [Ag(NH₃)₂]CI түзеді. Азот қышқылының әсерінен комплексті ион бұзылып, күміс хлориді қайтадан тұнбаға түседі:

CI^- + Ag⁺ = AgCI↓

AgCI + 2NH₄OH = [Ag(NH₃)₂]CI + 2H₂O

[Ag(NH₃)₂]CI + 2H⁺ = AgCI↓ + 2NH₄⁺

1-тәжірибе. Пробиркадағы 2-3 тамшы натрий хлориді ерітіндісіне 1-2 тамшы күміс нитраты ерітіндісін тамызамыз. Түзілген тұнбаны центрифугат арқылы бөліп алып, тұнба толық ерігенше аммиак ерітіндісін қосамыз. Ерітіндідегі хлорид СI^- анионын 3-5 тамшы 2моль/л азот қышқылымен HNO₃ әсер ету арқылы анықтауға болады.

Тәжірибені жүргізу шарттары:

1. Реакцияны азот қышқылының ортасында жүргіземіз.

2. Вr^- ионы СI^- ионын анықтауға кедергі жасайды.

II. Марганец оксиді (МnO₂), қорғасын оксиді (РbO₂) және басқа тотықтырғыштар хлорид-анионымен СI^- әрекеттесіп, оны бос күйіндегі хлорға дейін тотықтырады. Хлордың бөлінгенін өзіне тән иісінен және калий иодиді ерітіндісі мен крахмал ерітіндісіне батырылған қағаздың көгеруінен байқауға болады:

2CI^- + MnO₂ + 4H⁺ = CI₂↑ + Mn²⁺ + 2H₂O

CI₂ + 2I^- = I₂ + 2CI^-

Иодид I^- және бромид Br^- иондары реакцияның жүруіне кедергі жасайды.

2-тәжірибе. Пробиркадағы 2-3 тамшы натрий хлориді ерітіндісіне қалақшамен 0,5г марганец оксидін (МnO₂) немесе қорғасын оксидін (РbO₂) салыңдар.

Хлордың бөлінгенін өзіне тән иісінен және калий иодиді ерітіндісі мен крахмал ерітіндісіне батырылған қағаздың көгеруінен байқаңдар.

Не нашли, что искали? Воспользуйтесь поиском: