Бромид - анионының Br- дербес реакциялары

Бромид - ионы Br^- бромсутек қышқылының НBr анионы. Бромид тұздары өзінің қасиеті жағынан хлоридке ұқсас болып келеді.

I. Күміс нитраты АgNO₃ бромид-анионымен Br^- күміс бромидінің AgBr ақ-сары тұнбасын түзеді:

NaBr + AgNO₃ = AgBr↓ + NaNO₃

Ag⁺ + Br^- = AgBr↓

Түзілген тұнба азот қышқылында ерімейді, аммиак ерітіндісінде нашар ериді, ал натрий тиосульфаты ерітіндісінде жақсы ериді:

AgBr↓ + Na₂S₂O₃ = NaBr + Na[Ag(S₂O₃ )]

1-тәжірибе. 4 тамшы натрий бромиді ерітіндісіне 4 тамшы күміс нитраты ерітіндісін қосыңдар. Тұнбасы бар ерітіндіні екі пробиркаға бөліңдер. Біріншісіне - натрий тиосульфаты ерітіндісін, ал екіншісіне - концентрлі аммиак ерітіндісін құйыңдар. Осы реактивтердегі тұнбаның ерігіштігін салыстырыңдар.

II. Хлор суы бромид-ионымен әрекеттескенде оны бос күйіндегі бромға дейін тотықтырады:

CI₂ + 2NaBr = 2NaCI + Br₂

2-тәжірибе. Пробиркаға 1-2 тамшы натрий бромиді NaBr ерітіндісін тамызамыз. Оны қышқылдау үшін бірнеше тамшы 2моль/л күкірт қышқылы ерітіндісін қосып, оған 1-2 тамшы хлор суын қосамыз. Бос күйіндегі бромның бөлінгенінен ерітінді қоңыр түсті болады. Осы ерітіндіге 5-6 тамшы бензол қосып, араластыру қажет. Бензол қызыл-қоңыр түске боялады.

Тәжірибені жүргізу шарттары:

1. Реакция рН=5-7 аралығында жүреді.

2. Хлорлы судың артық мөлшерінен бром хлориді BrCI түзілуі мүмкін.

3.Тотықсыздандырғыш-иондар реакция жүруіне кедергі жасайды, сондықтан оларды тотықтыру немесе ерітіндіден аластату қажет.

4. Бензолдың орнына хлороформ, төртхлорлы көміртек, бензин және басқа еріткіштерді пайдалануға болады.

Не нашли, что искали? Воспользуйтесь поиском: