ТОР 5 статей: Методические подходы к анализу финансового состояния предприятия Проблема периодизации русской литературы ХХ века. Краткая характеристика второй половины ХХ века Характеристика шлифовальных кругов и ее маркировка Служебные части речи. Предлог. Союз. Частицы КАТЕГОРИИ:
|
Прарэктар па вучэбнай рабоцеФ 27-015 Установа адукацыі «Гродзенскі дзяржаўны ўніверсітэт імя Янкі Купалы»
ЗАЦВЯРДЖАЮ Прарэктар па вучэбнай рабоце і кіраванні якасцю Установы адукацыі “Гродзенскі дзяржаўны ўніверсітэт імя Янкі Купалы”
____________ Ю.Э. Бялых «___» _____________ 2012 г.
ЭКАНАМІЧНАЯ ГІСТОРЫЯ БЕЛАРУСІ
Вучэбная праграма для спецыяльнасцей:
1-25 01 03 Сусветная эканоміка 1-26 02 02-08 Менеджмент 1-25 01 10 Камерцыйная дзейнасць 1-25 01 07 Эканоміка і кіраванне на прадпрыемстве 1-25 01 04 Фінансы і крэдыт 1-25 01 08-03 Бухгалтарскі ўлік, аналіз і аўдыт 1-40 01 02-02 Інфармацыйныя сістэмы і тэхналогіі (у эканоміцы)
2012 г. Складальнік: І.Ф. Кітурка, дацэнт кафедры гісторыі Беларусі, кандыдат гістарычных навук, дацэнт
Рэцэнзенты: В.У. Галубовіч, дацэнт кафедры грамадскіх навук УА “Гродзенскі дзяржаўны аграрны універсітэт”, кандыдат гістарычных навук, дацэнт А.І. Мялешка, дацэнт кафедры ўсеагульнай гісторыі, кандыдат гістарычных навук, дацэнт
Рэкамендавана да зацвярджэння:
Кафедрай гісторыі Беларусі (пратакол № __ ад ________ 2012 г.)
Навукова-метадычнай камісіяй факультэта гісторыі і сацыялогіі (пратакол № __ ад ________ 2012 г.)
Саветам факультета гісторыі і сацыялогіі (пратакол № __ ад ________ 2012 г.)
Навукова-метадычным саветам Установы адукацыі «Гродзенскі дзяржаўны ўніверсітэт імя Янкі Купалы»
(пратакол № __ ад ________);
Тлумачальная запіска
1.1. Характарыстыка вучэбнай дысцыпліны “Эканамічная гісторыя Беларусі” Вучэбная дысцыпліна “Эканамічная гісторыя Беларусі” вывучаецца студэнтамі 1-га курса дзённай і завочнай формаў навучання факультэта эканомікі і кіравання. Праграма курса “Эканамічная гісторыя Беларусі” скіравана на авалоданне студэнтамі асноўнымі тэарэтычнымі дасягненнямі гістарычнай навукі ў галіне эканамічнага развіцця, апрацоўку, асэнсаванне і сістэматызацыю вучэбнай інфармацыі, набыццё практыкаарыентаваных уменняў. Вызначальнымі асаблівасцямі праграмы дадзенай вычэбнай дысцыпліны з’яўляюцца: яе інтэграваны, міждысцыплінарны характар, выкарыстанне прафесійнага, кампетэнтнаснага падыходу ў навучанні, павялічэнне ролі і ўдзельнай вагі самастойнай работы студэнтаў, магчымасць выкарыстання сучасных інавацыйных тэхналогій. Праграма спецкурса “Эканамічная гісторыя Беларусі” прадугледжвае не простае вывучэнне эканамічнага становішча на беларускіх землях у розныя гістарычныя перыяды, а ў першую чаргу разгляд гаспадарчых рэформ, якія былі праведзены ў дзяржаве, вызначэнне іх прычын, аналіз зместу праводзімых мерапрыемстваў, высвятленне спецыфікі правядзення ў розных эканоміка-геаграфічных зонах Беларусі, іх сацыяльна-эканамічных наступстваў, уплыў на развіццё ўнутранай і знешняй палітыкі, культуры і да т.п. Гаспадарчае развіццё на беларускіх землях разглядаецца ў кантэксце агульнаеўрапейскіх эканамічных працэсаў.
1.2. Мэта і задачы вучэбнай дысцыпліны Мэта курса: Рознабаковае вывучэнне і засваенне студэнтамі гістарычнага вопыту эканамічнай дзейнасці, асноўных этапаў развіцця народнай гаспадаркі Беларусі і замежных краін, сацыяльна-эканамічных працэсаў, тэндэнцый і перспектыў эканамічнага развіцця грамадства. Задачы: · параўнаўча-гістарычнае даследаванне ўсіх гаспадарчых укладаў у эканоміцы Беларусі; · вывучэнне ўзаемасувязі і ўзаемазалежнасці эканомікі і палітыкі, экалогіі, дэмаграфіі ў гісторыка-эканамічным развіцці на тэрыторыі Беларусі; · аналіз важнейшых эканамічных рэформаў на беларускіх землях і вызначэнне іх уплыву на далейшае развіццё краіны; · даследаванне эканамічных працэсаў з улікам альтэрнатыўнасці (многаварыянтнасці) гістарычнага шляху развіцця Беларусі і ў кантэксце сусветнай гісторыі. 1.3. Месца вучэбнай дысцыпліны ў сістэме падрыхтоўкі спецыяліста Месца вучэбнай дысцыпліны “Эканамічная гісторыя Беларусі” ў сістэме сацыяльна-гуманітарных ведаў вызначаецца прадметам яе вывучэння, якім з’яўляецца агульнасістэмныя заканамернасці і рэгіянальныя асаблівасці працэсаў гаспадарчай дзейнасці людзей на тэрыторыі Беларусі і найбольш развітых краін свету, умовы іх дзейнасці і фактары, якія на яе ўплываюць, ад старажытных часоў да нашых дзен. Актуальнасць дадзенага курса абумоўліваецца ўзрастаннем значнасці вопыту эканамічнай дзейнасці для новага пакалення эканамістаў, закліканага больш актыўна ўдасканальваць і мадэрнізаваць эканоміку краіны. 1.4. Сувязі з іншымі дысцыплінамі вучэбнага плана Вучэбная дысцыпліна “Эканамічная гісторыя Беларусі” лагічна ўзаемазлучана з іншымі дысцыплінамі вучэбнага плана для студэнтаў эканамічных спецыяльнасцяў: “Гісторыя Беларусі (у кантэксце сусветных цывілізацый)”, “Эканамічная тэорыя”, “Гісторыя эканамічных вучэнняў”, ”Сусветная эканоміка”, “Гісторыя развіцця фінансава-крэдытнай сістэмы”. 1.5. Патрабаванні да кампетэнтннасці (адпаведна адукацыйнага стандарта спецыяльнасці) Пры вывучэнні курса “Эканамічная гісторыя Беларусі” студэнт павінен: – ведаць: · спецыфіку эканамічнай гісторыі (прадмет, задачы, метады), адрозніваць яе ад эканамічнай тэорыі і ўсеагульнай гісторыі; · заканамернасці, характэрныя рысы і асаблівасці сацыяльна-эканамічнага развіцця асобных рэгіенаў і краін у розныя гістарычныя перыяды і на сучасным этапе; · галоўныя фактары эканамічнага развіцця; · асноўныя гістарычныя факты, даты, падзеі, якія тычацца эканамічнага развіцця Беларусі; · гістарычныя асобы, якія з’яўляліся ініцыятарамі гаспадарчых рэформаў на тэрыторыі Беларусі ў розныя перыяды развіцця; · ролю месца айчыннай гаспадаркі ў сусветнай эканоміцы. · асноўныя этапы фарміравання сусветнага рынка; · гістарычныя мадэлі эканамічнай мадэрнізацыі; · месца ў ролю беларускіх зямель у сусветным эканамічным развіцці; · станаўленне і эвалюцыю розных форм міжнароднай эканамічнай інтэграцыі. – умець: · падцвярждаць асноўныя палажэнні эканамічнай тэорыі канкрэтным гістарычным матэрыялам; · характарызаваць асноўныя этапы гаспадарчага развіцця на землях Беларусі ў розныя гістарычныя перыяды, вызначаць агульныя і асаблівыя рысы; · вызначаць перадумовы, прычыны, змест і вынікі асноўных эканамічных рэформаў на тэрыторыі Беларусі; · вылучаць узаемасувязь і ўзаемазалежнасць эканомікі і палітыкі, эканомікі і экалогіі, эканомікі і дэмаграфіі ў гісторыка-эканамічным развіцці на тэрыторыі Беларусі · аналізаваць асноўныя дасягненні гаспадарчага развіцця Беларусі ў кантэксце еўрапейскай і сусветнай эканамічнай гісторыі. · выкарыстоўваць гістарычны вопыт мадэрнізацыі сусветнай эканомікі ў сваей прафесійнай дзейнасці. – набыць навыкі: · самастойнай працы з навуковай і даведачнай літаратурай; · абгрунтавання свайго пункту гледжання на эканамічную гісторыю Беларусі ў кантэксце сусветнага эканамічнага развіцця; · вядзення дыскусіі па праблемах, якія датычацца гісторыі эканомікі; · прымянення назапашанага паняційнага апарата ў практычнай рабоце; · правядзення гістарычных паралеляў, супастаўлення і мадэліравання сітуацый, звязаных з эканамічным развіццём на беларускіх землях; · выкарыстоўвання атрыманых ведаў для разумення перспектыў супрацоўніцтва Рэспублікі Беларусь з іншымі краінамі свету. 1.6. Формы і метады навучання і выхавання У працэсе вывучэння дысцыпліны “Эканамічная гісторыя Беларусі” прымяняюцца эфектыўныя педагагічныя методыкі і тэхналогіі. Сярод іх прыятытэт аддаецца тэхналогіям навукова-даследчай дзейнасці, камунікатыўным тэхналогіям (праблемным лекцыям і семінарам, дыскусіям, прэс-канферэнцыям, вучэбным дэбатам і іншым актыўным формам і метадам), ігравым тэхналогіям (дзелавым, ралевым, імітацыйным іграм і інш.). Асноўнымі метадамі і тэхналогіямі навучання, якія адпавядаюць задачам вывучэння дысцыпліны “Эканамічная гісторыя Беларусі”, з'яўляюцца: 1) метад праблемнага навучання (праблемнае выкладанне, часткова-пошукавы і даследчы метады); 2) асобасна арыентаваныя (развіваючыя) тэхналогіі, заснаваныя на актыўных (рэфлексійна-дзейнасных) формах і метадах навучання («мазгавы штурм», дзелавая, ролевая і імітацыйная гульні, дыскусія, прэс-канферэнцыя, навучальныя дэбаты, круглы стол, кейс-тэхналогія, праект і інш); 3) інфармацыйна-камунікацыйныя тэхналогіі, якія забяспечваюць праблемна-даследчы характар працэсу навучання і актывізацыю самастойнай працы студэнтаў (структураваныя электронныя прэзентацыі для лекцыйных заняткаў, выкарыстанне аўдыё-, відэападтрымкі вучэбных заняткаў (аналіз аўдыё-, відэасітуацый і інш.), распрацоўка і прымяненне на аснове кампутарных і мультымедыйных сродкаў гістарычных творчых заданняў, дапаўненне традыцыйных навучальных заняткаў сродкамі ўзаемадзеяння на аснове сеткавых камунікацыйных магчымасцяў (інтэрнэт-форум, інтэрнэт-семінар і інш.) Для кіравання вучэбным працэсам і кантроля за засваеннем ведаў студэнтамі выкарыстоўваецца рэйтынгавая сістэма ацэнкі вучэбнай і даследчай працы студэнтаў, розныя формы самастойнай працы, вучэбна-метадычныя комплексы. 1.7. Рэкамендацыі па арганізацыі самастойнай працы студэнтаў Найбольш эфектыўнымі формамі і метадамі арганізацыі самастойнай работы студэнтаў з'яўляюцца: выкананне прамежкавых тэстаў; выкананне самастойна распрацаваных творчых заданняў, праектаў (індывідуальных або калектыўных); падрыхтоўка і ўдзел у актыўных формах вучэбна-даследчай дзейнасці; вывучэнне артыкулаў па гістарычнай праблематыцы і складанне на іх анатацый, рэцэнзій, рэфератаў. У мэтах стымулявання вучэбна-даследчай актыўнасці навучэнцаў рэкамендуецца выкарыстоўваць электронныя вучэбна-метадычныя комплексы, кампутарныя і мультымедыйныя сродкі. У рамках курса самастойную працу студэнтаў можна арганізоўваць у наступных формах: - сачыненне, эсэ. Тэма сачынення-разважання вызначаецца навуковай праблематыкай прадмета навукі. Работа над эсэ дазваляе студэнту самастойна разважаць над пэўнай праблемай, абапіраючыся на свае веды, свой пункт гледжання, светапогляд, выказваць свае думкі і меркаванні па абранаму пытанню. Аб’ём эсэ – 3 старонкі (А4), напісаныя ад рукі. - канспект артыкула не павінны падмяняцца планамі прац або цалкам перапісаным тэкстам: студэнт павінен навучыцца адбіраць асноўнае. Канспект пішацца ў сшытку з указаннем прозвішча ўладальніка. Абавязкова указываюся выходныя дадзеныя артыкулы: аўтар, назва артыкула, назва часопіса, год, месяц выдання, старонкі. На палях канспекта змяшчаюцца старонкі, дзе размешчаны канспектуемы тэкст. - прагляд кінафільмаў па тэме і іх абмеркаванне (вуснае ці ў пісьмовым выглядзе). - праца з першакрыніцамі. Па пэўных тэмах практычных заняткаў і тэмах, вызначаных на КСР, выкладчыкам прапануюцца вытрымкі з крыніц (дакументаў), якія датычацца дадзенай праблематыкі. Студэнты самастойна працуюць з дакументам і пісьмова (ў сшытку) адказваюць на пытанні, змешчаныя пасля тэкстаў. Адказы здаюцца на праверку выкладчыку. - складанне мультымедыйнай прэзентацыі з’яўляеца адной з новых формаў самастойнай работы студэнтаў. Гэты від працы прадугледжвае глыбокія веды і добрае валоданне студэнтам матэрыялам вызначанай тэмы. Прыкладны аб’ём прэзентацыі – тэма, пытанні, якія выносяцца на абмеркаванне, асноўныя паняцці, 15 слайдаў (тэкставых) па кожнаму пытанню тэмы, ілюстрацыі, карты і г.д. Пад час падрыхтоўкі да семінарскіх заняткаў студэнты вывучаюць абавязковую літаратуру па кожнай тэме, а таксама дадатковую. Кантроль за самастойнай працай ажыццяўляецца ў ходзе апытання на семінарскіх занятках, абавязковай адпрацоўкі, незалежна ад прычыны, прапушчаных семінарскіх заняткаў, тэсціравання, падрыхтоўкі і напісання рэфератаў, навуковых работ, дакладаў на студэнцкіх навуковых канферэнцыях. У адпаведнасці з вучэбным планам на вывучэнне дадзенай дысцыпліны адводзіцца 72 гадзіны, з іх аўдыторных – 34 гадзіны.
Прыкладнае размеркаванне аўдыторных гадзін наступнае: – лекцыі – 18 гадзін; – практычныя заняткі – 16 гадзін.
ПРЫКЛАДНЫ ТЭМАТЫЧНЫ ПЛАН Не нашли, что искали? Воспользуйтесь поиском:
|