ТОР 5 статей: Методические подходы к анализу финансового состояния предприятия Проблема периодизации русской литературы ХХ века. Краткая характеристика второй половины ХХ века Характеристика шлифовальных кругов и ее маркировка Служебные части речи. Предлог. Союз. Частицы КАТЕГОРИИ:
|
КУЫРЫХОНЫ ЗОНДАМЫНД 11 страницаЦас цæстысыгтæ, мæстытæ Адæмæн æрхаста хæст?! Дуне сау бонты бæсты дæр Урс æхсæвтæй уæд æфсæст. 1989 азы 15 июль БÆРЗОНД ÆМÆ НЫЛЛÆГ Хæблиаты Лидæйæн Лæджы хуызæн куы нæ уа лæг, Уæд æй фæтондзысты æвзæрæй... Бæрзонд мын чи сысты, ныллæг Æз уымæн акувын мæ сæрæй. 1989 азы 18 июль НАМЫС ÆМÆ ХАТЫР Мæгуырау алкæд разындзæни далыс, Куы уа йæ цуры тохъхъыл кæнæ фыр... Цы скодтай хорзæй, уый тыххæй дын — намыс, Цы нæ сарæзтай, уый тыххæй — хатыр. 1989 азы 19 июль ÆНУСОН ТЫХ Дæ фæстагдæр фæндагыл балцы Куы араст уай, уæддæр-иу зæгъ: «Зæххыл æнусон кæй нæу алцы, Æнусон уый тыххæй у зæхх». 1989 азы 19 июль СÆРЫЛХАСТ Хъысмæтæй никæдæм ис лидзæн, Уæддæр нын нæй æнцад æрбадæн... Цы лæг нæ фæтæрсы йæхицæн, Фæтæрсынц уымæн дзыллæ, адæм. 1989 азы 20 июль СТЫР БЫНАТЫ УÆВГÆЙÆ МÆ ЙÆХИЦÆН ЧИ ТАРСТ, УЫЦЫ ÆРДХОРДÆН Дæ намысæн ма уæд фæуæн, Хынцæд-иу фылдæры дæ фынг дæр... Мæхицæй куыд тæрсын дæуæн, Фæтæрсыс мæ уымæй ды тынгдæр. 1989 азы 23 июль МАДЫ КАТАЙ Нæ мæм хъары уæ арфæ, дзырд, Кæнут мæм дзæгъæлы хæлæг: Профессор кæд ысси мæ фырт, Уæддæр нæма сси лæг. 1989 азы 29 июль ХÆЛАР ÆМÆ ФЫДГУЛ Æнæзонгæ поэты мотив Дæ зæрдæйы бæркæдтæ адæмыл уар, Æмæ дыл зæрин тынтæ калдзæни хур... Мæ хæлары хæлар мæнæн у хæлар, Мæ фыдгулы фыдгул мæнæн нæу фыдгул. 1989 азы 8 август УÆЗЗАУ ЗОНД ÆМÆ УÆЗЗАУ ЦАРД Хъысмæты алцы дæр нывгонд Вæййы фæстаг улæфты онг... Уæззау цы лæгæн у йæ зонд, Нæ вæййы уый цард алкæд рог. 1989 азы 8 август МÆГУЫРЫ ЗÆРДÆ Сæгъæй уæрыччытæ нæ гуыры, Тæрхъусы не ’рцахсдзæн æнгуыр... Хъæздыг нæ бамбардзæн мæгуыры, Хъæздыджы бамбардзæн мæгуыр. 1989 азы 8 август ÆППÆЛДЖЫТÆ ÆМÆ ФАУДЖЫТÆ Расул Гамзатовы ныхæстæй Мæхицæй хуыздæр чи зоны мæ хæтæн, Кæд мæм хъысмæтæй иунæг уый æрхауд... Куыд мæ æппæлут, афтæ хорз куыд нæ дæн, Куыд мæ фаут, нæ дæн æз ахæм цауд. 1989 азы 13 август ХÆСТ ÆМÆ ФИДЫД Æвзæргæнæг фæсмонгондæй æрвитæд Йæ царды бонтæ, кад кæмæй у рох... Цыфæнды тохæн у йæ кæрон фидыд, Нæу фидыдæн йæ кæрон алкæд тох. 1989 азы 14 август САГЪÆС ИРЫСТОНЫЛ Æнцон нæу хохы цъупмæ хизын, Кæм дæ, нæрæмон тых, фæзын!.. Дæ зын дын чи хоны йæхи зын, Ыссарын ахæм лæг фæзын. 1989 азы 21 август ТÆЛМАЦ Йæхи бар æй, дæ хорзæхæй, ныууадз, Ды макуы дзур йæ фарс æппындæр мацы: Йæ фыстытæн сæ фылдæр у тæлмац, Тæлмацгондæй сæ уый тыххæй нæ уадзы. 1989 азы 22 август ФÆСТÆРДÆМ ЦАРД Сезар Вальехойы мотив Йæ дзырдтæ кæй уыдысты мадард, Нæ йæм уæндыд уымæн мæнгард... Зæронд лæгæй райгуырди, амард Сывæллонæй, аскъуыд йæ цард. 1989 азы 31 август НÆРАЗЫЙЫ ДЗУАПП Кæмæндæр фарн æрхаста бон, Æз та сæргуыбыр дæн, уæнтæхъил: Мæ уарзтыл бакалдæуыд дон, Мæ уæлтæмæнадыл — фæтæген. 1989 азы 15 сентябрь ХÆЛÆРТГÆ ÆМÆ ФЫДГУЛТÆ Уæд банцаид йæ риссынæй мæ фарс, Нæ мæ тæрид мæ зæрдæрыст æдыхмæ, Мæ хæлæрттæ куы уаиккой мæ фарс, Куы нæ уаиккой ме знæгтæ мæ ныхмæ. 1989 азы 22 сентябрь ЗÆХХ ÆМÆ ДУН-ДУНЕ Цард куы цæуа, уæд ис зарæн, Цард куы цæуа, уæд ис худæн... Зæхх ысфæлдыстæуыд буарæн, Дун-дуне та — удæн. 1989 азы 24 сентябрь МАМСЫРАТЫ ДÆБЕЙЫ ДÆЛДЖИНÆГГÆНÆГÆН Дæбейы ныхмæ дзурын нæу Дæуæн цытхæссæг хъуыддаг, баууæнд: Йæ иунæг радзырд — «Аууон» — дæу Æгасæй бакæндзæн йæ аууон. 1989 азы 12 ноябрь КЪУЫДИПП Дæ хуызæтты нæ фæрсынц зондæй, Йæ артдзæсты кæмæн нæй зынг... Цы нæ дæ, уый кæсы бæрзондæй, Цы дæ, æлгъгæнгæ, уымæ тынг. 1989 азы 15 ноябрь ТУГТÆ МЫСÆГÆН Хъуамæ дæ цæсты æз урсæй дæр сау уон, Цæмæй дын æнæуынон феста мæ ном... Цы нæ дæн, уый дзурыс мæн тыххæй фæсаууон, Цы дæ, уый фæзæгъын дæу тыххæй æргом. 1989 азы 15 ноябрь ЦЫ УЫД ÆМÆ ЦЫ УЫДЗÆН Мæ цин нæ банцаид йæ кафтæй, Дæрдтыл дзы лидзид алкæд мæт, Цы уыди, уый куыд федтон, афтæ, Цы уыдзæн, уый куы фенин, уæд. 1989 азы 22 ноябрь ХÆСТОН ЛÆДЖЫ ДЗУАПП ЛЫГЪД ЛÆДЖЫ ФЫРТÆН Дæуæн нæу дзуапп зын раттæн, Нæ дæм кæнын æфсæрмы: Æз акъоппы куы бадтæн, Уæд бадт дæ фыд та уæрмы. 1989 азы 29 ноябрь МÆ ФАРС ÆМÆ МÆ НЫХМÆ Æз никуы æрцæуин æнæбон, æдыхмæ, Нæ банкъарин никуы хъысмæтæн йæ карз, Мæ цыфыддæр ызнаг куыд уыдзæн мæ ныхмæ, Куы-иу уаид афтæ мæ хæлар мæ фарс. 1989 азы 4 декабрь ХÆЛÆГ Нысан мæ размæ лæууыд æрттиваг, Мæхимæ кастæн йæ фæрцы лæг... Мæлынмæ чи нæ фæкæны зивæг, Фæкæнын уымæ æз та хæлæг. 1989 азы 9 декабрь МÆСЫГ ÆМÆ ЗАМАНТÆ Хуыснæгахуыр нæ фæлæудзæни царвмæ, Фæуыдзæни йæ хаст йæ хуынкъмæ мургай... Мæгуыр заман цы мæсыг фæцыд арвмæ, Хъæздыг заман уый базгъæлæнтæ дургай. 1989 азы 10 декабрь ХУД ДАВÆГ Дæ худинаг ныхъхъæр, Цъыфæй амæст — дæ уд: Куы нæ дыл уыди сæр, Цæмæн давтай уæд худ? 1989 азы 17 декабрь ФИДЫД ÆМÆ ХÆСТ Уадз хæцæнт фыркъатæ æмæ цæутæ, Хъуысæд дардмæ здыхт сыкъаты дзæхст... Фидыдмæ фæндагыл ис быцæутæ, Фидыды фæстагдæр бон у хæст. 1989 азы 20 декабрь МÆЛÆТМÆ БÆЛЛÆГÆН Дæ ныхæстæй мæ зæрдæ дуды, Дзырдтай, куы-иу дын уыди зын: «Тæхуды, чи амард, тæхуды, Цы лæджы нал хъæуы мæлын!» 1989 азы 20 декабрь ЗÆРДÆ ÆМÆ ЦАРД Рæстуды фарсмæ февзæры мæнгард, Нæртон лæгты æхсæн дæр ис æвзæртæ... Йæ зæрдæйау уæд алкæмæн йæ цард, Йæ цардау ма уæд алкæмæн йæ зæрдæ. 1989 азы 20 декабрь МИТ ÆМÆ КЪÆВДА Сусæн хъуамæ сусæнау тæвд уа, Тъæнджы мæй та уад кæна æхситт. Митафон ныл ма уарæд къæвда, Ма уарæд къæвдаафон та мит. 1989 азы 23 декабрь ФÆЛЫВДЫ ГАКК Йæ аипп чи нæ хоны хъæн, Уый хорзæй не ’взары æвзæры... Кæддæр куыд афæлывтай мæн, Фæливыс афтæ ныр æндæры. 1989 азы 31 декабрь ЗЫЛЫН БЫЦÆУ ÆМÆ РАСТ КАУ Кæнын æз иу хъуыддагæй хъаст, Хæссын æм азым æмæ фау: Зылын быцæуы фæрцы раст Цæмæн фæлæууы кау? 1990 азы 9 январь ТОХЫ ЗАМАН ÆМÆ САБЫР ДУДЖЫ Арвы цæфæй нал ыздахы цоппай, Циндзинады абырста фыдох... Тохы заман сабыр цард кæй кодтай, Сабыр дуджы уымæн кæныс тох. 1990 азы 11 январь ХЪÆБУЛ ÆМÆ МАД Бæласыл банцайы бæлас, Обау æфсымæр у къуылдымæн... Йæ мад цы лæгæн у æгас, Мæлгæ дæр акæндзæни уымæн. 1990 азы 14 январь ÆНÆНХЪÆЛÆДЖЫ ХЪУЫДЫТÆ Кæф куыд уарза суры! — Нæй дзы хорзæй ницы... Терчы хох нæ суры, Афтæмæй дзы лидзы. 1990 азы 17 январь ÆУУÆНК Кæд не ссардзынæ иу дур цæндыл, Уæддæр дæм ничи хæссы фау... Хуыцауыл чинæуал æууæнды, Æууæнды ууыл дæр Хуыцау. 1990 азы 18 январь НОДЖЫДÆР МА ДÆБЕЙЫ ДÆЛДЖИНÆГГÆНÆГÆН Æгъдау цы вæййы мидæгæй, æддейæн Уый нал фæбæззы, ивы цин бæллæхæй... Йæ «Хъæндил»-ы йаргъ чи нæ у Дæбейæн, Йæ ныхмæ уый дæр радзуры уæлбæхæй. 1990 азы 20 январь МÆ ЗЫН ÆМÆ ДÆ ЦИН Хуыцау дæ йæ дурæй æрцавта, Кæнæ уыд дæ бынгæнæг зин: Мæ зыныл куыд цин кæныс, афтæ Дæ циныл нæ фæкæныс цин. 1990 азы 24 январь ЛÆГАУ ЛÆГЫЛ РÆЙЫНÆЙ ЧИ НАЛ ÆНЦАЙЫ, УЫДОНÆН Иу иннæтæн мæстджынæй загъта: «Цымæ кæдмæ кæндзыстут ’æйтт! Куыдзау куыдзыл рæйынц, сымах та Куыдзау лæгал кæнут æмрæйд». 1990 азы 26 январь АХУЫР Цæуыннæ кæнон дис уæддæр, Кæд давæг давæджы фæдавта?! Куыд нæ у хорз ахуыр æвзæр, Нæу хорз æвзæр ахуыр дæр афтæ. 1990 азы 4 февраль ЙÆ МАДЫ ГУЫБЫНЫ АМÆЛÆГ СЫВÆЛЛОНЫ АДЗАЛÆН Сывæллонмæ дæ фæрæт Цæмæн разынди карздæр, Йæ райгуырдæй йæ мæлæт Цæмæ гæсгæ фæраздæр? 1990 азы 6 февраль ÆНКЪАРДÆЙ Фæвæййы ыссæдзæм æнус, Фæвæййы уыимæ мæ цард дæр... Æрхуысдзæн тагъд мæ цæсты рухс, Цæудзæн фыццагау рæстæг дарддæр. 1990 азы 10 февраль МÆЛÆГ УДЫ КАТАЙ Нæма зонын ницы мæ намыс, мæ цытæн, Æмбис дæр нæма ’рцыд мæ хъуыдытæй загвд- Æз ацы дунемæ æрæджйау куы ’рцыдтæн, Уæд афтæ цæмæн цæуын ардыгæй тагъд? 1990 азы 11 февраль ХÆЛАРДЗИНАДЫ ХÆДЗАР Дзæгъæлы-иу дæхи нæ цуры ма стау, Дæ цауд митæ дын уый нæ дæттынц бар... Хæлардзинад куынæуал уыд нæ астæу. Хæлардзинадæн байгом уæд хæдзар. 1990 азы 12 февраль САГЪÆСГÆНДЖЫТÆ Бæрзæндты дæ кады уæззаудæр уаргъ ахæсс, Æмæ дын нæ уыдзæн уæд никуы мæлæт... Кæй базæронд, ууыл — йæ хъынцъым, йæ сагъæс, Куы нæ базæронд уон, у ууыл мæ мæт. 1990 азы 18 февраль ЛÆГ ÆМÆ НИЦЫ Сызгъæрин бæзджын сæрст куы кæной сæгæй, Уæддæр-иу æй зондзысты адæм зæринæй... Иу ницы уæвгæйæ фæцæры «лæгæй», Фæцæры лæг уæвгæйæ «ницыйæ» иннæ. 1990 азы 22 февраль БИРÆ ЦÆРЫНЫ ХОС Кæйдæр загъдау Æфсон нæ хъæуы дæу хъынцъымæн, Кæд нæй дæ рæбын иу цъупп хос... Цæмæй фæцæрай бирæ, уымæн Нæй базæрондæй хуыздæр хос. 1990 азы 6 мартъи БАЛЦЫ АГЪОММÆ Нæ дын кæнын абон æз бирæ ныхæстæ: «Уæларвон зæдтæ-иу дæ бахизæнт тасæй, Дæ разæй цæуæг-иу куыд фæуа дæ фæстæ, Дæ фæстæ цæуæг-иу куыд нæ фуа дæ разæй». 1990 азы 7 мартъи СТАЛИНÆН ЦАЛДÆР ФЫДЫ ЧИ «ССАРДТА», УЫДОНÆН Уæгъды систат хъæр æмæ фæдис, Рауагътат æнæмит хохæй зæй... Иу фыдæн сæдæ фырты дæр ис, Иу фыртæн дыууæ фыды дæр нæй. 1990 азы 10 мартъи ХАТТ КÆНЫН ÆМÆ ÆФТАУЫН Нымайын кадджын нæу мæ цæсты, Уæддæр фæнымайын æз дæр: Иу миныл хатт кæныны бæсты Иу минмæ бафтауын — хуыздæр. 1990 азы 10 мартъи ИУХÆС Кæд уари кадджын у дæ цæсты, Дæхæдæг уæд мæ цæсты — уари... Мæ иунæг хæс — мæлæты бæсты Хуыцауæй мин хæсы дæр дарин. 1990 азы 8 апрель НÆ ХИЦÆУТТÆЙ СТЫР ГОРÆТМÆ КУСЫНМÆ ЦÆУЫНМÆ ЧИ ХЪАВЫ, УЫМÆН Нæ сахадыдтой ам дæ митæ цæсты, Цы хоныс урс, уый хонынц адæм сау... Нæ гыццыл горæт фесафыны бæсты, Ыстыр горæты фесæф ды фæлтау. 1990 азы 21 апрель ÆНАХУЫР ФАРСТ Ды дæр кæддæр æрхаудзынæ дыргъау, Зæххыл æнусон ничи у, мæ лымæн... Нæу райгуырынæн иунæг дæр æвгъау, Цæмæ сты ’вгъау уæд бирæтæ мæлынæн? 1990 азы 26 апрель КУЫВД Иу дзырдæй зæрдæ и скъахæн, Амардзæн иу дзырды марг... Адæммæ бирæ уæд, махæн, Махæн у фаг дæр нæ фаг. 1990 азы 30 апрель ХУЫЗДÆРМÆ ÆНХЪÆЛМÆГÆСДЖЫТÆН Кæйдæрты зноны хур нæ тавта, Дзæгъæлы-иу æм кодта загъд... Цы нæ уыд, уый куыд нæ ис, афтæ, Цы ис, уый нал уыдзæни тагъд. 1990 азы 14 май ОПЕРАЦИЙЫ РАЗМÆ Куы бахæццæ вæййæм мæлæтмæ, Уæддæр ма хъæр фæкæнæм цардмæ... Кæддæр куыд æрцыд саг фæрæтмæ, Æз та æрцыдтæн афтæ кардмæ. 1990 азы 27 май ХЪÆЗДЫГДЗИНАДÆЙ МÆГУЫРДЗИНАДМÆ Кæмæйдæрты фæвæййы цæмæдæр гæсгæ рох, Йæ хъуыддæгтæ кæй ысты гыццыл, йæ дзырдтæ — стыр... Хъæздыгдзинады ныхмæ кæддæр мах кодтам тох, Мæгуырдзинадмæ райстам нæ хæцæнгæрзтæ ныр. 1990 азы 5 июнь ЦÆУЫННÆ? Æрвылбон дæр дæ хид цъыккæй кæлæд — Нæ фæуыдзæн куыстуарз куыстæй сæлæт... Кæд алцæмæн дæр ис зæххыл мæлæт, Цæуыннæ ис мæлæтæн уæд мæлæт? 1990 азы 12 июнь ФЫССÆГ МÆ НÆ РАУАД, ЗÆГЪГÆ, ЧИ НЫФФЫСТА, УЫМÆН Кæд хъавыс ыскæнынмæ Ирæн ды ном, Уæд макæцы рæстæг ысфæлмæц дæ хæстæй... Фыссæг дæ нæ рауади — загътай æргом, Фæлæ дæ цы рауад, уый дарыс æмбæхстæй. 1990 азы 12 июнъ ЙÆ БЫНАТÆЙ ТЫХХÆЙ ТÆРЫН ДÆР ЧИ НÆ КОМЫ, УЫМÆН Цæуы йæ хъæр, цыма йæ ис æргæвдæг, Гадзрахатæй йыл рацыди йæ хин... Дыууæ къухæй цы бынатыл ныддæвдæг, Цыппæрвадæй æз уырдыгæй тæхин. 1990 азы 27 июнь ФЫСТЫТÆ ÆМÆ РЫСТЫТÆ Дæ рæбыны цасдæриддæр кæн тъыстытæ, Уæддæр дзы зæххы мулк нæ фæуыдзæн тъыст... Мæ рыстытæй райгуыры арæх фыстытæ, Мæ фыстæй дæр райгуыры хатгæй-хатт рыст. 1990 азы 4 июль АЗИМАГ Уæлхъæдæй бахус дæ, уæлхъæдæй, Йæхимæ дæ æлвасы зæхх... Цъæхæй рæгъæд уыдтæ, рæгъæдæй, Зæгъ-ма, цæуыннæ дæ уæд цъæх? 1990 азы 19 июль НÆ ГОРÆТ ФÆСТÆМÆ ДЗÆУДЖЫХЪÆУ КУЫ ССИ, УЫЙ ДЫККАГ БОН Æз мæ райгуырæн бæстæмæ Ног æрцыдтæн, нæу уый фын: Хъæуы райгуырдтæн, фæстæмæ Хъæуы райдыдтон цæрын. 1990 азы 21 июль ЗНОН ÆМÆ РАЙСОМЫ АСТÆУ Царды мæлæт мах размæ дæр хафта, Кодта йын кæддæриддæр хæрам... Ам ызнон куыд нæ уыдыстæм, афтæ, Афтæ райсом нал уыдзыстæм ам. 1990 азы 22 июль РОГ ÆМÆ АДДЖЫН Мæ хъуыды кæд никæмæ фæкæсдзæн ног, Уæддæр æй нæ хонын æз ницæмæй хъаджджын: Хæссынæн цы фæндаггаг разыны рог, Нæ вæййы хæрынæн уый алы хатт адджын. 1990 азы 28 июль ДАВÆДЖЫ ФÆСМОН Нæ мысын æз, мыййаг, мæ тар фын — Æцæгдзинадыл у мæ дзырд: Кæддæр кæй сахуыр кодтон давын, Мæхицæй давынц уыдон ныр. 1990 азы 4 август ÆНУСОН Кæд рацыдтæ мæнимæ балцы, Уæд иу — нæ къæбæр æмæ цæхх... Зæххыл кæй зæронд кæны алцы, Нæ зæронд кæны уымæн зæхх. 1990 азы 4 август ДУАР ÆМÆ РУДЗГУЫТÆ Дæ иунæг дзырд æфтауы тых Мæ тыхыл, суры мæстытæ... Кæд у зæрдæйы дыуар дзых, Уæд рудзгуытæ та — цæстытæ. 1990 азы 8 август УÆЛТÆМÆНАД Зæгъ-ма, куыннæ кæнон æз дис, Кæд хъусын диссаг бонæн?.. Уæлтæмæнадæн сурæн ис, Фæлæ йын нæй æрхонæн. 1990 азы 12 август ДИН Мæнæн дæр иннæтау мæ дин: Кæм чиуын, кæм æмраст фæцæуын... Мæ райгуырдыл нæ кæнын цин, Мæ мæлæтыл нæ кæуын. 1990 азы 12 август УАВÆР Мæ цины хуызæн нæу дæуæн Дæ зæрдæмæ хæстæг дæ маст: Куы мастæн нал вæййы фæуæн, Куы цин æрбайсæфы æваст. 1990 азы 12 август ДУНЕ ÆМÆ ÆЗ Сусæгдзинæдтæй у дзаг Сау зæхх, базон сæ хуыздæр... Дуне нæу мæнæн мæ фаг, Стæй нæ дæн йæ фаг æз дæр. 1990 азы 14 август ЗÆХХ Нæ дарæг — быдыр, хæхтæ, хъæд, Нæ цард у зайæгхалæй, мæрæй... Зæххыл нæ къæхтæй цæуæм кæд, Уæддæр бæрзонддæр у нæ сæрæй. 1990 азы 14 август БÆЛÆСТÆ Сойджындæр нæ кæны сойæ сой, Минтæ та фæфылдæр вæййынц минæй... Иу бæласæн иннæ уæд æнцой, Фæлæ иуы ма фæлдахæд иннæ. 1990 азы 14 август АРАХЪХЪ Йæ æрымысæг — зин, Фыдбоны халон-маргъ. Йæ иуы аргъ у мин, Йæ мин та — иуы аргъ.[4] 1990 азы 15 август БРУТАГ КУЫСТ ÆМÆ ОЛГИНСКÆЙАГ ЦАРД Цы ’мбæлы, уый куы цæуид фыст Дæуæн, нæ хъуысид уæд дæ зард... Мæ царды хуызæн у дæ куыст, Дæ куысты хуызæн у мæ цард. 1990 азы 16 август АФТИД ДЗЫПП ÆМÆ ДЗАГ ЗÆРДÆ Дæу хъæуы бæласæй гуыпп, Æхсырæн — йæ сæртæ... Иуæн амоны йæ дзыпп, Иннæмæн — йæ зæрдæ. 1990 азы 18 август ÆДЗУХДÆР ЗАРГÆ ЧИ КÆНЫ, УЫЦЫ ЗÆРОНД ЛÆГÆН Фыдæлтæ раст дзырдтой: иу гæпп нæ хуындæуы дугъ, Арв та куыд нæры, нæу афтæ йæ цæф æмæ рыст... Бирæ фæцардтæ, кæд уый тыххæй зарыс æдзух, Æви кæй зарыдтæ, уый тыххæй бирæ цæрыс? 1990 азы 18 август ЗОНДДЖЫН Иу расты бабын кæныны бæсты дæс зылыны сраст кæн. Екатеринæ II Бирæ тых и зондджыны ныхæсты, Бахæссынц æм уый тыххæй сæ хъаст... Иу расты зылын кæныны бæсты, Рахондзæн сæдæ зылыны раст. 1990 азы 23 август ДЫМГÆ Æрдз хъулон ми хоны хæрам, Лæгау æй нæ бары куыдзæн... Мæ дымгæ дæр нал уыдзæн ам, Уæддæр ма ам дымгæ уыдзæн. 1990 азы 24 август МАД ÆМÆ ХЪÆБУЛ Уарийау бæрзæндты тæх, Фæлæ зон: дæ цæрæн — фæз... Мадæн дын куыд бæззы зæхх, Афтæ йын хъæбулæн бæзз. 1990 азы 24 август ТЫХДЖЫН Цы лæгæн вæййы цауд йæ хуыз, Фæуы-иу уый æвварс, мæ кæстæр: Æдыхæн чи кæны æххуыс, Тыхджын ис уый хонæн æрмæстдæр. 1990 азы 25 август ЦАРД ÆМÆ ЦÆРДТЫТÆ Косты Лизæйæн Æрвылбон цалдæр хатты ард Ис фехъусæн мæнгардæй... Цæрдтытæй чи райдайы цард, Фæвæййы йæ уый цардæй. 1990 азы 27 август МÆ НЫХАС Адæймагмæ дзурын æз, кæрдæгмæ, Дун-дунейы алкæмæ мæ каст: Кæд фæцæрат уалдзæгæй зымæгмæ, Уæд хъысмæтæй ма ракæнут хъаст. 1990 азы 28 август АРС ÆМÆ ЙÆ ФÆД Дæ хуыздæр нозт у дæуæн лæвар сæн, Æз та йæ хонын мæхицæн хинæ... Фæтæрсы чидæр йæ фæдтæй арсæн, Йæхицæй дæр ын нæ тæрсы иннæ. 1990 азы 3 сентябрь ТÆППУДТÆ Мах — тæппудтæ иухуызон, æрфынæй Ныфс нæ туджы, бацъынд и йæ цæст: Æз тæрсын фæхудинаг уæвынæй, Ды тæрсыс дæ бынатæн æрмæст. Не нашли, что искали? Воспользуйтесь поиском:
|