АҚПАРАТТЫҚ ХАТ

Қазақтың спорт және туризм академиясының әлеуметтік – гуманитарлық пәндер кафедрасы ұйымдастырып отырған «Қазіргі заман және гуманитарлық ғылым» деген тақырыпта өтетін ІІ сырттай халықаралық ғылыми-практикалық конференцияға қатысуға шақырады.

Конференция жұмысы мынандай бағыттарды қамтиды:

- Салауатты өмір салтын қалыптастырудың әлеуметтік-философиялық, экономикалық-құқықтық аспектілері;

- Тәуелсіздік жылдарындағы қазақ спортының тарихы;

- Тәуелсіздік жылдарындағы Отан тарихының зерттелуі;

- Философия, саясаттану, экономика, құқық және мемлекетті басқарудың жалпы мәселелері;

- Қоғамдық пәндерді оқыту әдістемесінің өзекті мәселелері;

- Қазіргі Қазақстандағы ақпараттық технологияның дамуы;

- Қазақстан халықаралық қатынастар жүйесінде.

Конференцияға ғылым докторлары, ғылым кандидаттары, ізденушілер, докторанттар, магистрлер, студенттер (ғылыми жетекшісімен бірлесе отырып) қатыса алады.

Конференция қазақ және орыс тілдерінде жүргізіледі.

Конференция қашықтық форматында өтеді. Конференцияға қатысушылар баяндамаларын 2015 жылдың 20 қарашасына дейін мына мекен-жайға жіберулері керек: 050022, Қазақстан Республикасы, Алматы қаласы, Абай даңғылы 83/85 (А. Байтұрсынов көшесінің қиылысы), әлеуметтік-гуманитарлық пәндер кафедрасы, (311 каб.), жұмыс телефоны 8(727)2921487, т.8-777-2631268 (Винокурова Елена Ивановна), 8-701-5509110 (Агелеуова Айгуль Токтархановна) немесе e-mail: vinokur_historik@mail.ru, aigulinskaya@mail.ru

Конференция жұмысының қорытындысы бойынша қатысушылардың баяндамаларын PDF форматында халықаралық стандарттағы ISBN және ББК кітаптық нөмерінің берілуімен халықаралық электрондық жинақ ретінде басып шығару жоспарлануда.

Конференция материалдары жоғарыда аталған мекен-жайға немесе электронды поштаға 2015 жылдың 10 қарашасына дейін (соңғы мерзім) жіберілуі керек.

Мақаланы дайындаудағы талаптар:

Мақала көлемі сурет, схема, кестені қоса есептегенде 5 бетке дейін тегіс конференцияны ұйымдастырушылар комитетінің электронды поштасына электронды нұсқада жіберулеріңізді өтінеміз.

Мақала Microsoft Word 2003-2007 редакторы арқылы қазақ және орыс тілдерінде бір шрифт аралығында Times New Roman (KZ Times New Roman) –14 кегль, жоғары және төмен жолдары 2,0 см, азаттық жол – 1,25 см. Сурет мәтіннің ортасына 12 кегльмен орналасуы тиіс.

Мақала мәтіні суреттерімен қоса, көрсетілген форматтың ішіне орналасуы тиіс (сол жағы - 30 мм, оң жағы - 20 мм., жоғарғы және төменгі жағы - 25 мм.).

Беттің жоғарғы сол жағында ЖОК, екінші жолдың ортасында – автордың аты, фамилиясы, ғылыми дәрежесі (толық түрде), атағы, төменірек – жазбаша әріптермен зерттеу жүргізілген ұйымның атауы, қала, ел атауы көрсетілуі тиіс. Бір жолдан кейін бас әріптермен – мақаланың тақырыбы, жазбаша әріптермен бір жолдан кейін баяндаманың мәтіні берілуі керек.

Мақала көрсетілген талаптарға сай рәсімделуі тиіс. Мақаланың мазмұнына толықтай мақала авторлары жауапты.

Не нашли, что искали? Воспользуйтесь поиском: