А думка по думці і гадка по гадці..

А пониже села..

А пониже села,там карпелі сіют,

Ищи я маленка,

Юж ся до мя сміют.

А пониже села

Там карпелі садят,

Ищи я маленка,

Юж ся на мі вадят.

Поляна, поляна

Широко орана,

Милий на ній орав,

Я му помагала.

Милий на ній орав,

Сивима волами,

Я му помагала

Білими ручками.

Верба, верба кучерява,

Одкаль ти такий кучер взяла?

Бистра вода корін мила,

Не піду замуж рочок, зо два,

Але піду на п’ятого

За пиячиска проклятого.

Гварят люде, же він не п’є,

Щовечеронька з корчми иде.

Вечероньком, то раноньком,

Пропив коника за гороньком

Пропив коня вороного,

Иде до стайні по другого.

Мила його наперед нього,

Дає дуката золотого.

А в облачку дверка мала,

В вишневім садку ночувала.

А зозуля: ку-ку, ку-ку,

За што я бідна терплю муку?

Ой ти,дівчино..

Ой ти, дівчино,

Ой ти, гордо-пишна,

Чом ти до мене

Звечора не вийшла?

Тим я до тебе ввечір не вихожу,

Бо я боюся лютого морозу.

Не бійся, дівчино, лютого морозу,

Я твої ноженьки

В шапочку вложу.

Ой моя шапка

Та й недорогая,

Чотири волики

З обори зігнала.

Чотири воли,

Чотири корови

За твоє біле личко

Та й за чорні брови.

А боже, мій боже, што я наробила…

А боже, мій боже, што я наробила,

Люде по вечері, а я не палила.

Ани-м не палила, ани не запалю;

Фраїр ся мі женит, а я г’велькім жалю.

Фраїр ся мі женит, піду на веселє,

Піду ся припатриц, яку паню бере.

Сідит она, сідит, медже дружечками,

Утерат си очка гусіма перками.

Утерат си очка, силзи ї падают,

На сивім камени ямки вибивают.

А я в батька росла,

А думка по думці і гадка по гадці..

А думка по думці і гадка по гадці,

Зійдімося, кумцю, вип’ємо по чарці.

Горівки нап’юся, з вами забав’юся,

Прийду додомоньку сльозами вмиюся.

Літа молодії, всі мої надії,

Чого ви зів’яли, квіти веснянії?

Пили-сте, гуляли, а за нас не дбали,

Тепер нас зовете, а ніц не маєте.

Не нашли, что искали? Воспользуйтесь поиском: