Св. прав. Симеон Богоприимец

Покрову Пресвятой Богородицы

Тропарь

Днесь, благовернии людие, светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом, и избави нас от всякаго зла, молящи Сына Твоего Христа Бога нашего спасти души наша.

Кондак

Дева днесь предстоит в Церкви, и с лики святых невидимо за ны молится Богу: ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.

Св. ап. Матфий

Тропарь

Апостоле святый Матфий, моли Милостивого Бога, да прегрешений оставление подаст душам нашим.

Собор славных и всехвальных 12-ти апостолов. Тропарь глас 4

Апостолов первопрестольницы/ и вселенныя учителие,/ Владыку всех молите/ мир вселенней даровати// и душам нашим велию милость.

Кондак, глас 4:

Светозарное яко солнце, во весь мир изшедшее, вещание твое просвещает языческую церковь благодатию, чудоносче Матфие апостоле.

Величание: Величаем тя, апостоле Христов Матфий, и чтим болезни и труды твоя, имиже трудился еси во благовестии Христове.

Св. прав. Симеон Богоприимец

Тропарь, глас 4

Симеон старец днесь веселится, восприят на руку свою Младенца Превечнаго Бога, от уз плоти разрешитися прося и вопия: видеста очи мои спасение Твое мирови.

Кондак Симеону Богоприимцу, глас 4

Старец днесь отрешитися от юз моляшеся сего жития тленнаго, Христа восприят на руки, Зиждителя и Господа.

Не нашли, что искали? Воспользуйтесь поиском: