ТОР 5 статей: Методические подходы к анализу финансового состояния предприятия Проблема периодизации русской литературы ХХ века. Краткая характеристика второй половины ХХ века Характеристика шлифовальных кругов и ее маркировка Служебные части речи. Предлог. Союз. Частицы КАТЕГОРИИ:
|
Молитва Пресвятой Богородице пред иконой Ея Теребенской
О Пресвятая и Преблагословенная Мати Сладчайшего Господа нашего Иисуса Христа, непрестанная пред Богом молитвенница и заступница. Благодарим Тя, яко в годину скорбей и испытаний в краю Новгородстем явила отроку пастырю на камене образ Свой чудотворный. Припадаем и поклоняемся Ти пред святою чудотворною иконою Твоею, воспоминающе дивное знамение Твоего заступления, милость свою нам показавшая, егда многоцелебным Твоим омофором покрыла и исцелила край Городецкий от смертоносныя язвы. Молим Тя, умягчи окаменелые сердца наши, вложи в них дух страха Божия, благочестия и смирения, в напастех терпение нам подаждь, во благоденствии – воздержание, ко ближним любовь, ко врагам всепрощение, в делех добрых преуспеяние, и да не убоимся и не устрашимся враг видимых и невидимых. Сохрани истинную святую Православную Церковь и положи начало покаяния людей русских. Возврати Русь Святую на дарованный ей Богом путь неповрежденной веры, да наполнится фимиамом молитв и расцветет, аки крин сельный, да поживем во благочестии и чистоте, всегда хранимии Тобою от искушений, междоусобныя брани, труса, огня, глада и мора, от напрасныя смерти. Обитель нашу от расколов и ересей огради, монашеское житие укрепи и спаси ны, Пречистая, яко уповаем на Тя. Весь Теребенскую от нестроений, вражды и зависти сохрани, насади зде мир и любовь. В страшный же день Суда сподоби нас ходатайством Твоим стати одесную Сына твоего Христа Бога нашего, Емуже подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Тропарь, глас 4
Приспе день светлаго торжества, / весь Теребенская радуется, / и с нею Русь Православная ликовствует / песньми и пеньми духовными: / днесь бо явила еси Пресвятая Владычице / образ Свой чудотворный на камене отроку пастырю. / Сему же чудному образу дивящеся и лобызающе е, / припадаем мы, Пречистая, и вопием Ти: / спасай обитель Твою, град и весь всякую / от находящих навет вражиих, яко Милосерда.
Кондак, глас 3
Дева днесь явила еси образ Свой на камене, / и отроча, взяв е в руце свои, помолися./ Омофором же Своим покрыла град Городецкий, Пречистая, / купно же со святителем и чудотворцем Николаем, / от смертоносныя язвы избавляюща град сей, / егда иноцы Теребенстии с образом Твоим притекше в онь. / Ныне же паки зовем Ти: / радуйся, иконою Твоею Теребенскою сердца наша утешающая.
Не нашли, что искали? Воспользуйтесь поиском:
|