ІІ. Байқау араласпасын дайындау және талапқа сай жылжымалылығын алу

Керекті материалдар: құм, жарықшақ тас, цемент, өлшеуіш цилиндр, таразы және оған теңгергіш, бетон араласпаларын дайындайтын жазық чашка, металдан жасалынған піспек, стандартты конус, текше (куб) – қалып, лабораториялық сілкіп-тербеу алаңы, стандартты жағдайда үлгіні қатайтуға арналған астау (ванна).

Байқау араласпасының көлемі төмендегідей алынады:

Араласпаны төмендегідей ретпен дайындайды:

А) Керек материалдарды құрғақ күйінде өлшеп алады және оларды цементпен біркелкі болғанша (цемент және басқаларды әбден араласқанша) араластырады.

Б) берілген мөлшер суды өлшеп алып оны араласпаға аздап құяды да араластырады, судың бәрі құйылғаннан кейін біркелкі жағадйға жеткенше тездетіп араластырады.

Бетон араласпасының жылжымалылығын кесілген конустағы қалыпталған пішін-үлгінің шөгіп жайылғандағы биіктік мөлшер көрсеткішімен анықтайды.

Ол төмендегі жолмен жүргізіледі:

Болат конус қалпының ішін сумен ылғалдап ленолиум немесе металл жапырақшаға орналастырады. Жапырақша да ылғалданған болуы керек. Дайындалған бетон араласпасын бірдей биіктікте үш қабаттап салады, әр қабаты конус биіктігінің 1/3 бөлігі болу керек те және де салынған әрбір араласпа қабатын 25 рет металл піспекпен піспелейді.

Араласпа қалыпқа салынып піспелеген кезде конусты қолменен металл жапырағына басып ұстап (конус бетонның салмағымен көтерілмес үшін) бетонның конустағы бет жағын тегістеп, артық жағын кесіп ажыратып алып конус қалыпты қалыпталған араласпадан жоғары көтеріп босатып пішін – үлгінің жанына қатар қойып, араласпаның шөккен биіктігін 0,5 см дәлдікке дейін сызғышпен өлшейді (суретке қара). Егер де конустың шөгігенін берілген санын аз (кем) болса, араласпаға есептегі су мен цементтің бастапқы қатынасын сақтай отырып аз мөлшерде (5-10%) су мен цемент қосады. Содан кейін бетон конустың шөгінгенін өлшейді. Конустың шөгінген мөлшері берілгеннен көп болса, онда араласпаға есептеп құмменен жарықшақ тас (5-10 %) бастапқы мөлшерінен араластырып конустың жылжымалылық шөгігенін өлшейді (к.ш., см).

Не нашли, что искали? Воспользуйтесь поиском: