Билет Болжалдық сан есімдерді қолдана отырып, «ҚазҰУ – жетекші оқу орны» деген тақырыпты мазмұндаңыз.

Қазақ ұлттық университеті – Қазақстан Республикасының жетекші жоғары оқу орны. Университет 1934 жылдар шамасында құрылды. ҚазҰУ 1991 жылдан бастап, Шығыстың ұлы ойшылы әбу Насыр әл-Фараби есімімен аталады.

Республика Президенті Н.Ә.Назарбаевтың 1993 жылғы Жарлығымен университетке өзін-өзі басқару мәртебесі берілді.

Қазір университеттің 14-тей факультетінде 16 мыңдай студенттер оқиды. Студенттер үшін ірі ғылыми кітапхана, асханалар, спорт кешені, жұмыс істейді. Әлемдік интернет жүйесімен байланысуға, электронды почта, кітапхана каталогын пайдалануға болады. Бірнеше оқу ғимараттары бар. Негізгі оқу ғимараттары тұрған жерді «Университет қалашығы» деп атайды. Сондай-ақ, академик Ө.А.Жолдасбеков атындағы Студенттер сарайы бар.

ҚазҰУ – еліміздің ең ірі ғылыми орталығы. Бұл күндері оқу орнында ҚР Ұлттық Ғылым академиясының 23-тей академигі, 280-ге жуық ғылым докторлары мен профессорлар, 680-ге таман ғылым кандидаттары мен доценттер еңбек етеді.

ҚазҰУ – халықаралық университеттер ассоциациясына мүше және Американың, Еуропаның, Азияның, Африканың 175-тей университетімен байланыс жасайды. Жыл сайын 70-тен аса студент шет елдің жоғары оқу орындарында білім алады.

Университетте оқу жүйесі екі сатылы – бакалавриат және магистратура түрінде жүргізіледі.

Жақында Елбасының Жарлығымен университетке Сапа саласындағы жетістіктері үшін «Алтын Сапа» белгісі берілді.

Билет Мезгілдік қатынастарды білдіретін құрылымдар арқылы «Қазақстандағы білім беру жүйесі» атты тақырыпты айтып шығыңыз.

Не нашли, что искали? Воспользуйтесь поиском: