Чюдо о беснующемся человеце.

Християнинъ бе некий именем Антроп ограды Спасовы и обители преподобнаго, имея сыны три. Единъ же сынъ у него, зовомыи Василие смятеся крепце умом своимъ на долзе времени, тако бысть смятение его, яко многихъ человековъ зубомъ ядяху. Едва братия его великою силою угнетаху путы железными и оковы по многимъ обителемъ преводяху его облегчения ради и не возмогохъ улучити ослабу. В та же времена ученицы преподобнаго путь творяще в ту страну потребы ради монастырьския, случися имъ у того христианина покоище, зряще таковое ихъ страдание и нечистаго духа мучение на Василие. Таже ученицы послаша скоро в домъ Спасовъ стражущаго. Антропъ же с чады своими поимше борзяся беснаго, приведохъ къ преподобнаго гробу и внутрь гробницы прицепиша его крепце ко стене, таже// игуменъ Герасимъ со священницы и диаконы молебенъ пели и во время святаго канона по Евангелии бесныи возопи, глаголюще: «О любимый мой отче и братия, отрешите мя от уз сихъ. Болезна ми есть сия пута, отрешите скорее и припаду ко гробу преподобнаго старца Генадия, молитвами его Богъ облегчи ми недугъ мой, аки гора спаде тягость плоти моя и шумъ великий отиде от мене аки громъ страшный». Игумен же и братия прославиша Бога и его угодника – честнаго старца Генадия.

Не нашли, что искали? Воспользуйтесь поиском: