ДРЕВНЯЯ ПОКАЯННАЯ МОЛИТВА.

Господи, Господи, се предстою пред Тобою яко блудный сын, исповедую грехи своя благости твоей. Согреших ти,Спасителю мой, согреших. От юности бо моея грех содеях и оскверних душу и тело деяньми лютыми. Согреших ти, якоже праотцы наши Адам и Ева, преслушав заповеди Твоя; согреших, якоже Каин, и якоже вси людие грешницы Ветхого и Нового завета. Ум очерних помыслами неподобными, сердце исполних нечистотою и всяким греховным чувством, волю ослабив леностию и склонностию ко греху. Весь облажен есмь язвами греховными, якоже впадшй в разбойники, вси раны души моея источают гной. Кто исцелит мя? Или Кто восставит мя их глубины греховныя жизни, аще не Ты, Врачу Благодатный?

Сего ради к Тебе прибегох, Царю Мой и Боже Мой, слезно моляся. Уврачуй и исцели мя. Ум мой очисти от непотребных помыслов, сердце свободи от греховныя нечистоты, да возмогу чистым сердцем и умом славити Тя, Создателя моего и Бога. Волю мою укрепи на дела благая, во еже творити ми точию угодная Тебе и достойная Твоея Святыни. Прости ми всякое согрешение, вольное и невольное и вся, яже в ведении и неведение, содеяное мною. Ты еси Сама Благость и Сама Любовь и имаши власть отпущати грехи, и Тебе славу воссылаем со Отцем и Святым Духом, и ныне, и присно, и во веки веков. Аминь.

Не нашли, что искали? Воспользуйтесь поиском: