Студенттік визаға құжаттар тапсыру кезінде

Ұлыбританиядағы университеттен, колледждан немесе мектептен оқу курсына тіркелуі туралы хаттың түпнұсқасы. Хатта оқу курсы, оның ұзақтығы мен құны туралы толық ақпарат қамтылуы тиіс. Басқа құжаттармен бірге оқу орнынан хат көшірмесін ұсыну қажет. Хаттың түпнұсқасы елге келгеннен кейін Құрама Корольдіктің иммиграциялық билігіне көрсету үшін қайтарылады;

Оқу курсына тіркелуі туралы хаттың түпнұсқасы Елшілікке тікелей жіберілмеуі керек. Ұлыбританияда оқығысы келген адамдар университеттермен, колледждармен немесе мектептермен визаға құжаттар келіп түскенге дейін, осындай хатты алуы туралы өз еріктерімен келісулері тиіс;Қазақстанда тиісті білім және оқудан өтуі туралы кез келген қолда бар дипломдар мен сертификаттар (мысалы, студенттік билет, университеттен, колледждан немесе мектептен хат);

Орталықтың кепіл хатының түпнұсқасы.

Германияға виза алу үшін құжаттар тапсыру кезінде қажетті құжаттар:

1. 3 толық толтырылған және қол қойылған сауалнама (барлығы да неміс тілінде)

2. 3,5 х 4,5 см. көлеміндегі 4 актуалды фотосурет (3-еуі сауалнамаға желімделген, 1 бос)

3. қолданыстағы шетелдік төлқұжаттың 2 көшірмесі

4. оқуға рұқсат алған студенттерде: оқуға үміткерлерге германдық жоғары оқу орнының немесе арнаулы жоғары оқу орнының оқуға рұқсаты туралы шешімінің 2 көшірмесі: германдық жоғары оқу орнынан/мамандандырылған жоғары оқу орнынан оқуға өтініш беруі туралы немесе неміс тілін базалық білуі туралы растаманың және ЖОО-да оқуға рұқсат алу құқығын беретін құжаттардың (алғашқы білімі туралы құжаттар) 2 көшірмесі

5. оқу орнын бітіргені туралы куәлікті, сондай-ақ еңбек қызметі туралы құжаттарды қоса алғанда, алғашқы білімінің болуы туралы құжаттардың 2 көшірмесі

6. қаржы қаражаттарының болуын растайтын құжаттардың 2 көшірмесі

7. соттылығының болуы немесе болмауы туралы анықтаманың 2 көшірмесі қажет болған жағдайда, туған кездегі тегі, және кейінгі тектері бойынша берілген)

8. Қазақстандағы тұрғылықты жерінен өзекті анықтамасының түпнұсқасы не түпнұсқасы болған жағдайда, үй кітапшасының көшірмесі

­Өтініш беру кезінде Сіз шетелдік төлқұжаттың түпнұсқасын көрсетуіңіз керек. Куәлікті, құжаттарды және анықтаманы да түпнұсқада және нотариалды куәландырылған аудармасымен (тұрғылықты жерінен анықтама не үй кітапшасының көшірмесі бір данада, неміс тіліне аударылмай ұсынылады) ұсыну қажет. Куәліктерді, құжаттар мен анықтамаларды түпнұсқада және нотариалды куәландырылған аудармасымен ұсыну қажет. Қажет болған жағдайда, азаматтық жағдайы туралы қазақстандық куәлік пен сот шешімін апостилдеу қажет.

Қарау мерзімі: 3-7 күн

Орытынды

Еуропаның бүкіл елдері туризмнен пайда табуда. Ел қазынасының қайнар көзі дәл осы туризмнен түсуде. Уақыт өте келе Африка елдері де туризмге көңіл бөліп өз әлеуеттерін жөндеп келеді. Соңғы он жылдықта Азия елдері аталған саланың нағыз елдің көркейюіне себепші екеніне көз жеткізіп, бет бұрды.

Жиһангерлiк және саяхатшылық – адамның танымдық көкжиегiн кеңейтетiн, қазiргi замандағы ғаламат мүмкiншiлiгi бар, пайдасы шашетектен келетiн, бiз әлi толық игере алмаған саланың бiрi екендiгi белгiлi. Бүгiнгi туризм, яғни жиһангерлiк және саяхатшылық – бұл мемлекет пен қоғамның экономикалық әлеуметтiк дамуының, тұлғаның жан-жақты қалыптасуының маңызды факторы. Сондықтан туристiк қызмет көрсету нарығында мүдделi министрлiктер мен ведомстволардың, уәкiлеттi органдардың, туристiк компаниялардың және жеке кәсiпкерлердiң мүмкiншiлiктерiн жұмылдыруға, бiрiктiруге Дүниежүзілік туристік ұйымның ықпал жасауы қалыпты құбылыс.

Қазiргi туризм еңбекшiлердiң жыл сайынғы ақылы еңбек демалысына шығуымен байланысты, мұның өзi адамның демалуға және бос уақытын өткiзуге негiзгi құқығын тану болып табылады. Ол жеке адамды, адамдар және халықтар арасындағы өзара түсiнiстiктi дамытудың факторына айналды.

Дүниежүзілік туристік ұйымды тілге тиек етіп отырған себебім, бүгінде мемлекеттердің қарым-қатынасын түзеуде аталмыш ұйымның орасан зор еңбегі бар.

Бірқатар виза мәселесін де туристік ұйымның шешуге қауқары бар. Бүгінде көптеген шығыс елдері виза рәсімдеудің соңынан саясат іздейді. Бұл қате құбылыс. Неге десеңіз, бірінші орынға турист саясатты емес, өзінің адами құндылығын һәм құқығын қояды.

Яғни бұл саланың қанатын жайып өркендеуіне визалық құрылымның тұрақты әрі ыңғайлы болуы ерекше орын алады.

Еліміз тәуелсіздік алғалы қаншама саладан әлемде жетекші орынға ие болып, қаншама сала бойынша халықтарға үлгі болар жобалар жасауда. Солардың бірі Елбасымыз Н.Ә.Назарбаевтың осыдан бірер жыл бұрын Азия елдеріне бірегей виза ашу жүйесін құру мәселесін көтерген болатын. Дәл Еуропадағы атақты Шенген визасын көшіріп Азия елдеріне қолданар болса, тек қана туризм емес, сонымен қатар, басқа да салалар үшін оңтайлы шешім болар еді.

Себебі, виза бұл – туризм, экономика, саясат және әлеуметтік салалардың түйісетін маңызды құжаты.

Қорытындылай келе, жоғарыда көрсетілген виза бойынша мәселелер мен проблемалар өз шешімін тауып жатса, әлемді бейбітшілік билер еді.

Пайдаланылған әдебиеттер:

1. Конвенция о применении Шенгенского соглашения 1990 г.

2. Шенгенский кодекс о границах от 15 марта 2006 г.

3. А.Ю. Александрова. Международный туризм. М.: Аспект Пресс, 2004.

4. Биржаков М.Б. Введение в туризм. – М. – СПб.: Издательский Торговый Дом «Герда», 1999.

5. В.Н. Вуколов. Халықаралық туризмнің тарихы және теориясы. Астана, 2005.

6. Гуляев В.Г. Организация туристской деятельности. Учебное пособие. НОЛИДЖ. Москва. 1996.

7. Долгов С.И. Глобализация экономики: новое слово или новое явление. М.: Экономика, 1998.

8. Закон РК «О туристской деятельности в РК». Алматы. 2001.

9. Қазақстан Республикасының Конституциясы 1998 жылғы 7 қазаңдағы № 284-1 заңымен енгізілген өзгертулер мен толықтырулармен / Алматы:Юрист. - 2004. - 40б.

10. Общаяконсульскаяинструкция о визах, адресованная дипломатическим и консульским представительствам договаривающихся сторон Шенгенской конвенции от 28 апреля 1999 г.

11. Право Европейского Союза: учеб. пособие / С.Ю.Кашкин (и др.); отв. ред. 27.С.Ю.Кашкин. - М.: ТК Велби, Изд-во Проспект, 2008.

12. С.Р. Ердавлетов. География туризма: история, теория, методы, практика. – Алматы, 2000 – 336с.

13. С.Ю. Кашкин, А.О. Четвериков. Комментарий к Шенгенским соглашениям - Система ГАРАНТ, май 2005 г.

14. Тынчерова З.В., Ягофаров Г.Ф. Основы планирования и организации туристского бизнеса. Алматы. 2003.

15. Уикипедия интернет сайты.

16. Энциклопедия туриста. – М., 1993.

17. http://eeas.europa.eu/delegations/kazakhstan/eu_travel/visa/index_kk.htm интернет сайты.

18. http://www.astra-consul.ru/kazahstan7.php интернет сайты.

19. http://www.caspionet.kz/kaz/visa/ интернет сайты.

20. http://www.otrar.kz/kz/visas.html интернет сайты.

Осымша А

Халықаралық туризмнің жіктелуі

Осымша Б

Шет ел азаматтары үшін ҚР визасы

Осымша В

Шенген визасы

Не нашли, что искали? Воспользуйтесь поиском: