Водгук на мастацкі твор

***

Слова наша роднае,

хапала

На стагоддзі доўгія цябе.

Багдановіч, Колас і Купала

Прыпадалі да цябе ў журбе.

Адкідалі кпіны і абразу,

З дзён былых цягнулі ў заўтра ніць

І, хаця не ўсіх і не адразу, —

Навучылі ўсё ж цябе цаніць,

Вымытае ў гулкіх навальніцах,

Нам як запавет перадалі,

Каб пілі і не маглі напіцца

І ўзнялі наўздзіў усёй зямлі.

Матчына нявыцвілае слова,

Даўжнікі мы вечныя твае…

Так нам не хапае Куляшова,

Мележа так горка не стае.

Нам цяпер цябе на раздарожжах

Берагчы за іх і за сябе,

Даражыць пявучым гукам кожным,

Як зярняткам чыстым на сяўбе,

Каб не адляцела, як салоўка,

Не аглухла ў гуле бальшакоў…

Строга з нас вачэй не зводзіць Броўка,

Стоена ўзіраецца Лынькоў.

Мова продкаў нашых і нашчадкаў —

Шэпт дубровы і пчаліны звон, —

Нам цябе ласкава і ашчадна

Спазнаваць ажно да скону дзён,

Па чужых краях не пабірацца,

Не аддаць цябе на забыццё,

Наша невычэрпнае багацце,

Наша несмяротнае жыццё.

Генадзь Бураўкін.

УЗОРЫ БІЛЕТАЎ З ТЭМАМІ ДА КОНКУРСУ «ВУСНАЕ ВЫКАЗВАННЕ»

ІХ клас

Білет 1

1. Магутнае слова ты, роднае слова! (Янка Купала).

2. Мінск — еўрапейская сталіца, галоўны горад нашай краіны.

Білет 2

1. Прырода — найцікавейшая кніга... (Якуб Колас).

2. Мае бацькі — мае настаўнікі ў жыцці.

Білет 3

1. Кнігі Коласа і Купалы нам калыскай і песняй былі... (Пятрусь Броўка).

2. Лес — жывая вопратка зямлі, яе музыка (Іван Навуменка).

Білет 4

1. Складана чалавекам быць.

Астатняе ўсё —

проста!

Мікола Арочка.

2. Ты кажаш, я не ведаю вайны... (Ніл Гілевіч).

Білет 5

1. Пад небам і на небе — вечны рух,

Наперад рух праз шчасце і пакуты...

Казімір Камейша.

2. Калі я скончу школу...

Х клас

Білет 1

1....І кожны міг сябе я пазнаю

Часцінкай злітаю вялікага сусвету.

Якуб Колас.

2. Ці можна ў ХХІ стагоддзі абысціся без кніг?

Білет 2

1. Чытаю я журнал сучасны:

Кіпіць у ім прагрэсу ход!

Максім Багдановіч.

2. Чалавек, да якога хочацца быць падобным.

Білет 3

1. Бывае, праўда вочы коле... (Кандрат Крапіва).

2. Купала і Колас...

Раптоўна

Адчуеш свабодна зусім —

Не толькі радком загалоўным —

Ты ўсім абавязаны ім.

Рыгор Семашкевіч.

Білет 4

1. Чатырохгранная ваза — гэта прырода, дзе чатыры грані — поры года. (Алесь Наўроцкі).

2. Свята нашай вуліцы (вёскі, горада).

Білет 5

1. Чалавек — гэта цэлы свет. (Кузьма Чорны).

2. 21 лютага ў свеце адзначаюць Міжнародны дзень роднай мовы.

ХІ клас

Білет 1

1. Не мае памяць межаў і граніц,

Яна пульсуе ў кожным радаводзе.

Мікола Маляўка.

2. Купала і Колас...

Раптоўна

Адчуеш свабодна зусім —

Не толькі радком загалоўным —

Ты ўсім абавязаны ім.

Рыгор Семашкевіч.

Білет 2

1. Я люблю гэтыя прасторы, я люблю неаглядныя, ружова-сінія далі... (Якуб Колас).

2. Я сёлета закончу школу.

Білет 3

1. Той шчаслівы, хто зведаў каханне... (Пімен Панчанка).

2. Ля помніка беларускаму пісьменніку.

Білет 4

1. Добра быць у дарозе, якую ты сам сабе выбіраеш. (Якуб Колас).

2. Калі я маю вольную хвіліну...

Білет 5

1. З легендаў і казак былых пакаленняў... (Максім Танк).

2. Рэкі Беларусі.

Не нашли, что искали? Воспользуйтесь поиском: