Іс-тәжірибелік сабақтарға әдістемелік нұсқау

Іс-тәжірибелік сабақтардың мақсаты студенттердің дәрісте алған теориялық білімдерін тәжірибемен ұштастыра білу, бекіту, пысықтау, талдау және оларды іс жүзінде қолдана білуге дағдыландыру.

Студенттерді ғылыми көзқарастарды ескере отырып, пайымдаулар жасауға қажет ақпараттарды жинап, сараптай білуге, оларға қатысты түсінік бере алуға, сауатты жаза білуге, ойын дәлелді, нақты және мәдениетті жеткізе білуге үйрету.

«Қазақ тілі мен әдебиеті» мамандығының студенттері қазақ тілін сөйлеу құралы ретінде емін еркін меңгеріп, мамандыққа сәйкес білімді игеріп, дүниетанымын, рухани әлемінің ауқымын кеңейтіп, ойлау логикасын дамыту қажет.

«Ономастика және елтану» пәні бойынша іс-тәжірибелік сабақта студенттер ономастиканың ғылым ретінде қалыптасу, даму тарихымен таныстыру; ғылыми пәндер арасында және өзара байланысында ономастиканың алатын орнын көрсету; тіл категориялары арасында жалқы есім деңгейін және тіл жүйесіндегі онимдік лексиканың орнын, апеллятивтен оның айырмашылығын анықтау; денотатпен байланыс негізінде жалқы есімдерді разрядтарға және кластарға топтастыру; жалқы есімдерге тән қызметін анықтау; метатіл мен ономастикалық зерттеулердің әдістерімен таныстыру сияқты тақырыптармен танысады.

Әр тақырып бойынша ғалымдардың еңбегі мен ой-пікірлері жинақталып, пікірталас ұйымдастырылып, тұжырымдар шығарылады.

Жоғарыда аталған жұмыс түрлеріне сәйкес іс-тәжірибелік сабақтардың бақылау түрлері төмендегідей болмақ: жаттығу, талдау, салыстыру, ауызша баяндау, шығарма немесе эссе жазу, кесте, «Венн» диаграммасын толтыру, кластер жасау, аннотация және т.б.

Не нашли, что искали? Воспользуйтесь поиском: