Залежнасць дыхання ад кіслароду.

Вада. Водазабеспячэнне абумоўлівае велічыню воднага патэнцыялу клетак расліны. Пры яго паніжэнні, дыханне зніжаецца, як і фотасінтэз. Прычым фотасінтэз падае хутчый, што абумоўлена зачыненнем вусцейкаў. У пачатковы перыяд пры хуткай страце вады ў праросткаў можа назірацца павышэнне інтэнсіўнасці дыхання як рэакцыя на раздражненне. Пры паступовым зніжэнні абводненасці гэтага не назіраецца.

Рэакцыя расліннай тканкі на страту вады залежыць ад узросту, фізіялагічнага стану, экалагічных уласцівасцей арганізма.

З вільготнасцю змяняецца таксама дыханне насення. Сухое насенне, якое мае вільготнасць каля 10%, дыхае вельмі слаба. Гэта звязана з пакоем і нізкай актыўнасцю жыццядзейнасці. Пры павышэнні вільготнасці да 14 – 15 % інтэнсіўнасць дыхання ўзрастае ў 5 разоў, а пры павышэнні да 35 % у некалькі тысяч разоў. Хуткі рост дыхання абумоўлены актывізацыяй жыццядзейнасці ў сувязі у сувязі з пачаткам росту зародка. Рост дыхання насення залежыць ад тэмпературы. Пры дыханні павышаецца тэмпература і вільготнасць, што яшчэ больш павялічвае дыханне. У выніку гэта вядзе да порчы і гібелі (“самазагарання”) насення.

Утрыманне СО2 у паветры. З ростам канцэнтрацыі СО2 вышэй за 40% інтэнсіўнасць дыхання зніжаецца. Павышэнне канцэнтрацыі ў клетках можа прывесці да змянення кіслотнасці асяроддзя клетак, што змяняе ўмовы для дзейнасці ферментаў дыхання.

Мінеральнае жыўленне. Яно ўплывае на дыханне таму, што многія элементы ўваходзяць у склад ферментаў, якія каталізуюць дыханне.

Не нашли, что искали? Воспользуйтесь поиском: