Менің мамандығым

Қазақстанның солтүстігінде автоматтық электрбайланыс мамандарын дайындау бұрын жүргізілмеген. Мұндай мамандармен бізді жақын жердегі Рессей оқу орындары қамтамасыз етті. Бірақ КСРО-ның құлдырағанынан кейін байланыс саласындағы жоғары білікті мамандардың жетіспеушілігі қатты сезілді. Сондықтан Сәкен Сейфуллин атындағы Қазақ агротехникалық университетінің энергетикалық факультетінде 1992 жылы «Автоматтық электробайланыс» мамандығы ашылды. Осы жылдар ішінде кафедра көптеген инженер-энергетик, байланыс және жылу энергетикасы мамандарын шығарды. Студенттерді даярлауда үлкен үлес қосқан және қазіргі уақытқа дейін өз көмектерін көрсетіп жүрген Ақмола облысының байланыс мекемелері. Телекоммуникация мекемелері түлектерді жұмысқа орналастырып қана қоймай, эксплуатациялық және диплом алдындағы тәжирибелерден өтуін ұйымдастырады. Аталмыш кафедра «Торап жүйелері және байланыс жүйесі», «Радиотехника, электроника және телекоммуникациялар» мамандықтары бойынша электрондық және микропроцессорлық басқару жүйелері мен компьютерлік коммуникациялық технологиялар бағытында мамандар дайындайды.

Дайындықтан өткен мамандар электрондық, микропроцессорлық және компьютерлік құрылғыларды жобалау, жасау, оларға қажетті бағдарламалар жазу, өндіріске еңгізумен шұғылданады.

Бұл мамандар электрониканы толық меңгеріп, компьютерлік техника мен технологиялардың жетік маманы болып шығады.

Радиотехника, электроника және телекоммуникациялар мамандығын бітірушілердің кәсіби қызмет нысандарына электроника саласының ғылыми-зерттеу, жобалау институттары, электрондық және компьютерлік техниканы баптау, микропроцессорлық құрылғыларды жасау мекемелері мен зауыттары, энергетика, телекоммуникация және банк жүйелері мекемелері жатады.

Не нашли, что искали? Воспользуйтесь поиском: