Лттық телерадиохабар тарататын спутниктік жүйе

1999 жылдың аяғында телевизиялық хабарды таратуға арналған «Жарық» желісі іске қосылды. Бұл желінің 12 КА транспондері арқылы ұлттық теледидар хабарлары таратыла басталды.

1995 жылы Қазақстан Республикасы Intelsat Халықаралық ғарыштық байланыс ұйымының құрамына мүше болып, Қазақстан, Оңтүстік Ресей, Орта Азия республикалары, Солтүстік Қытай және Батыс Монголияны қамтитын спутник сәулесіне ие болды. Сонымен қатар, осы жылы Үкіметке ұлттық телерадиохабар тарататын спутниктік жүйе құрудың бағдарламасы және тұжырымдамасы ұсынылды. Аталмыш бағдарламаны Үкімет қолдап, «Қазақтелеком» ЖАҚ-ның жанынан ұлттық желіні құруға арналған бөлімше ашуды жоспарлады. Бұл желінің басты мақсаты - ол Қазақстанның ақпараттық тәуелсіздігін қамтамасыз ету, әлемдік ақпараттық қауымдастыққа интеграция, республика және қазақ диаспорасы тұратын шет елдерде ұлттық арнаны тарату.

1997 жылдың 26 мамырында Алматыда «Кателко» Орталық қабылдағыш таратқыш станциясының (ОҚТС) салтанатты ашылуы өтті. Осы кезде Қазақстан-1 және Хабар телеарналары және Қазақстан- 1 және Шалқар радиоарналарының жұмысы басталды. Қазір бұл желімен Хабар-1, Хабар-2, Қазақстан-1, ОРТ- Қазақстан, КТК, НТК телеарналары және Қазақстан-1 мен Европа+ радиоарналары хабар таратады. Шет елдерде тұратын қазақтар үшін, Ресей Федерациясының Астрахань облысы мен Монголия мемлекетінде «Кателко» қабылдағыш стансасы орнатылды. Сонымен бірге, қазіргі кезде Астана қаласында спутниктік хабарды таратуды басқару орталығы салынып жатыр.

Не нашли, что искали? Воспользуйтесь поиском: