Жеке еңбек шарты

Жеке еңбек шарты белгісіз мерзімге, белгілі мерзімге және белгілі бір жұмысты орындау уақытына немесе жұмыста уақытша болмаған қызметкерді ауыстыру уақытына жасалуы мүмкін. Егер жеке еңбек шар- тында оның қолданылу мерзімі айтылмаса, онда келісім –шарт белгісіз мерзімге жасалған деп ескертіледі

Жеке еңбек шартын он алты жасқа толған адамдармен жасауға жол беріледі. Ата-анасының бірінің (қорғаншысының,қамқоршысының) келі- сімімен оқудан бос уақытында денсаулығына зиян келмейтін жұмысты орындау үшін еңбек шарты он төрт жасқа толған оқушымен де жасалуы мүмкін. Он сегіз жасқа толмаған адамдарға ауыр дене жұмыстары мен еңбек жағдайы зиянды және қауіпті жұмыстарға қабылдауға жол беріл- мейді.

Жеке еңбек шартын жасау кезінде қызметкердің оған тапсырылған жұмысқа сәйкестігін тексеру мақсатында тараптардың келісімімен сынақ өткізуі мүмкін. Еңбек шартында мұндай талап болмаған жағдайда қыз-меткер жұмысқа сынақсыз қабылданады деп есептеледі.

Қызметкердің жұмыс істеуі кезінде еңбек жағдайлары өзгеруі мүмкін, бұл жөнінде қызметкерге бір ай бұрын жазбаша түрде хабарлануы тиіс. Егер қызметкер жаңа жағдайға келіспейтін болса, онда жасалған еңбек шарты бұзылады.

Жеке еңбек шартының тоқтатылуы оның мерзімінің бітуі бойынша және тараптардың еркіне байланысты емес жағдайлар бойынша болуы мүмкін, ал оның мерзімінен бұрын бұзылуы тараптардың келісімі бойынша, тараптардың бірінің бастамасы бойынша және заң актілерінде көзделген басқа да негіздер болуы мүмкін.

Не нашли, что искали? Воспользуйтесь поиском: