Сурет-52. Оқыту заңдылықтарын жіктеу

Сондықтан мұғалімнің оқыту процесінде дидактикалық принциптерді дұрыс таңдауы, дұрыс ұйымдастыра білуі сабақтың тиімділігін арттыруда оң ықпал етеді. Оқытудың ұстанымдары оқыту процесінің заңдылықтарынан дамиды. Олар көп жылдық тәжірибенің қорытындыланған түрі және қазіргі таңдағы мектептің жағдайларында оқыту процесінің өзіне тән ерекшеліктерін ескеріп отырады.

Принциптер – бұл педагогтың өзінің тәжірибелік іс-әрекетінде және мінез - құлқында басшылыққа алатын негізгі, бастапқы жағдай, идея, негізгі ереже, талаптар деген мағынаны білдіреді.

Оқытудың принциптері – оқытудың мазмұнына, ұйымдастыруына және әдістемесіне қойылатын талаптар жүйесін анықтайтын негізгі жағдайлар. Оқыту процесін құрылымдауда оқытудың ұстамдарына сүйенуге міндетті болғандықтан, олардың әр қайсысына жеке-жеке тоқталамыз. Бұдан шығаратын қорытынды сол, оқытудың принциптері – оқытудың мақсат-міндеттеріне сай, оның мазмұнына, әдістеріне, ұйымдастыру жолдарына қойылатын белгілі бір талаптар, ережелер жүйесі (53-сурет).

Оқытудың көрнекілік принципі. Көрнекілік принципінің мақсаты – оқылатын тақырыпқа сай оқушылардың білім көлемін тереңдету, қызығушылығын орнату және есте сақтау қабілетін шыңдау, мұғалімнің өз ойын оқушыларға нақтылы дәләлдеуі үшін қолдануы.

Көрнекілік принципінің міндеттері:

ü заттар не құбылыстар мен оқиғалардың бейнелерін, көлемін, түр- түстерін көрнекілік құралдарын пайдалану арқылы оқушыларға жеткізу;

ü оқушылардың алатын білімін нақтылау үшін сабақтар жүйесінде қолданатын көрнекі құралдар мен оқудың барлық мазмұнын практикамен, өмірмен байланысын қамтамасыз ету.

Не нашли, что искали? Воспользуйтесь поиском: