Логикалық өрнектер

Бұл бөлімдегі есептердің барлығында бастапқы берілген мәндер үшін келтірілген пікір ақиқат болса TRUE логикалық мәнін, жалған болса – FALSE логикалық мәнін шығару керек. Цифрларының саны көрсетілген сандардың барлығы (екі таңбалы сан, үш таңбалы сан, т.т.) оң мәнді деп есептеледі.

3.1. а бүтін саны берілген. «а саны оң таңбалы» деген пікірдің ақиқаттығын тексеру керек.

3.2. а бүтін саны берілген. «а саны – тақ» деген пікірдің ақиқаттығын тексеру керек.

3.3. а бүтін саны берілген. «а саны – жұп» деген пікірдің ақиқаттығын тексеру керек.

3.4. а және b бүтін сандары берілген. «а>2 және b≤3 теңсіздіктері дұрыс» деген пікірдің ақиқаттығын тексеру керек.

3.5. а және b бүтін сандары берілген. «а≥0 немесе b<-2 теңсіздіктері дұрыс» деген пікірдің ақиқаттығын тексеру керек.

3.6. а,b,с бүтін сандары берілген. «а<b<c теңсіздігі дұрыс» деген пікірдің ақиқаттығын тексеру керек.

3.7. а,b,с бүтін сандары берілген. «b саны а мен с -ның арасында орналасқан» деген пікірдің ақиқаттығын тексеру керек.

3.8. а және b бүтін сандары берілген. «а және b сандарының әрқайсысы тақ» деген пікірдің ақиқаттығын тексеру керек.

3.9. а және b бүтін сандары берілген. «а және b сандарының кемінде біреуі тақ» деген пікірдің ақиқаттығын тексеру керек.

3.10. а және b бүтін сандары берілген. «а және b сандарының біреуі тақ» деген пікірдің ақиқаттығын тексеру керек.

3.11. а және b бүтін сандары берілген. «а және b сандарының жұптылығы бірдей (екеуі де тақ немесе екеуі де жұп)» деген пікірдің ақиқаттығын тексеру керек.

3.12. а,b,с бүтін сандары берілген. «а, b және с сандарының әрқайсысы оң» деген пікірдің ақиқаттығын тексеру керек.

3.13. а,b,с бүтін сандары берілген. «а, b және с сандарының кемінде біреуі оң» деген пікірдің ақиқаттығын тексеру керек.

3.14. а,b,с бүтін сандары берілген. «а, b және с сандарының біреуі ғана оң» деген пікірдің ақиқаттығын тексеру керек.

3.15. а,b,с бүтін сандары берілген. «а, b және с сандарының екеуі оң» деген пікірдің ақиқаттығын тексеру керек.

3.16. Оң бүтін сан берілген. «Берілген сан екі таңбалы жұп» деген пікірдің ақиқаттығын тексеру керек.

3.17. Оң бүтін сан берілген. «Берілген сан үш таңбалы және тақ» деген пікірдің ақиқаттығын тексеру керек.

3.18. «Берілген үш бүтін санның ішінде өзара тең болатын кемінде бір жұп табылады» деген пікірдің ақиқаттығын тексеру керек.

3.19. «Берілген үш бүтін санның ішінде таңбалары қарама-қарсы болатын кемінде бір жұп табылады» деген пікірдің ақиқаттығын тексеру керек.

3.20. Үш таңбалы сан берілген. «Берілген санның цифрлары әртүрлі» деген пікірдің ақиқаттығын тексеру керек.

3.21. Үш таңбалы сан берілген. «Берілген санның цифрлары өсу ретімен орналасқан» деген пікірдің ақиқаттығын тексеру керек.

3.22. Үш таңбалы сан берілген. «Берілген санның цифрлары өсу ретімен не кему ретімен орналасқан» деген пікірдің ақиқаттығын тексеру керек.

3.23. Төрт таңбалы сан берілген. «Берілген санның цифрлары солынан да, оңынан да бірдей оқылады» деген пікірдің ақиқаттығын тексеру керек.

3.24. a,b,c сандары берілген (а – нөлден өзге сан). d=b²-4×a×c дискириминантын қарастыра отырып, келесі пікірдің ақиқаттығын тексеру керек: «a×x²+b×x +c=0 квадрат теңдеуінің нақты түбірлері бар».

3.25. х,у сандары берілген.«Координаттары (х,у) болатын нүкте екінші координаттық ширекте орналасқан» деген пікірдің ақиқаттығын тексеру керек.

3.26. х,у сандары берілген.«Координаттары (х,у) болатын нүкте төртінші координаттық ширекте орналасқан» деген пікірдің ақиқаттығын тексеру керек.

3.27. х,у сандары берілген.«Координаттары (х,у) болатын нүкте екінші не үшінші координаттық ширекте орналасқан» деген пікірдің ақиқаттығын тексеру керек.

3.28. х,у сандары берілген.«Координаттары (х,у) болатын нүкте бірінші не үшінші координаттық ширекте орналасқан» деген пікірдің ақиқаттығын тексеру керек.

3.29. x,y,x₁,y₁,x₂,y₂ сандары берілген. «(х,у) нүктесі сол жақтағы жоғарғы төбесінің координаттары (x₁,y₁) нүктесі, оң жақтағы төменгі төбесінің координаттары (x₂,y₂) нүктесі болатын және қабырғалары координата осьтеріне параллель тіктөртбұрыштың ішінде орналасқан» деген пікірдің ақиқаттығын тексеру керек.

3.30. Үшбұрыш қабырғалары болатын a,b,c бүтін сандары берілген. «a,b,c үшбұрышы тең қабырғалы» деген пікірдің ақиқаттығын тексеру керек.

3.31. Үшбұрыш қабырғалары болатын a,b,c бүтін сандары берілген. «a,b,c үшбұрышы тең бүйірлі» деген пікірдің ақиқаттығын тексеру керек.

3.32. Үшбұрыш қабырғалары болатын a,b,c бүтін сандары берілген. «a,b,c үшбұрышы тік бұрышты» деген пікірдің ақиқаттығын тексеру керек.

3.33. a,b,c бүтін сандары берілген. «Қабырғалары а,b,c болатын үшбұрыш бар» деген пікірдің ақиқаттығын тексеру керек.

3.34. Шахмат тақтасы өрісінің координаттары х,у арқылы берілген (1-8 аралығындағы бүтін сандар). Сол жақ төменгі бұрыштағы (1,1) өрісінің қара түсті екенін ескере отырып, «берілген өріс ақ түсті» деген пікірдің ақиқаттығын тексеру керек.

3.35. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Берілген өрістер бірдей түсті» деген пікірдің ақиқаттығын тексеру керек.

3.36. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Ладья бір жүрісте бір өрістен екіншісіне өте алады» деген пікірдің ақиқаттығын тексеру керек.

3.37. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Король бір жүрісте бір өрістен екіншісіне өте алады» деген пікірдің ақиқаттығын тексеру керек.

3.38. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Піл бір жүрісте бір өрістен екіншісіне өте алады» деген пікірдің ақиқаттығын тексеру керек.

3.39. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Ферзь бір жүрісте бір өрістен екіншісіне өте алады» деген пікірдің ақиқаттығын тексеру керек.

3.40. Шахмат тақтасындағы әртүрлі екі өріс х₁,у₁ және х₂,у₂ координаттары арқылы берілген (1-8 аралығындағы бүтін сандар). «Ат бір жүрісте бір өрістен екіншісіне өте алады» деген пікірдің ақиқаттығын тексеру керек.

Шартты оператор

4.1. Бүтін сан берілген. Егер ол оң болса, мәні 1-ге арттырылсын; кері жағдайда сан өзгеріссіз қалдырылсын. Алынған санды шығару керек.

4.2. Бүтін сан берілген. Егер ол оң болса, мәні 1-ге арттырылсын; кері жағдайда 2-ге кемітілсін. Алынған санды шығару керек.

4.3. Бүтін сан берілген. Егер ол оң болса, мәні 1-ге арттырылсын; теріс болса, 2-ге кемітілсін; егер нөлге тең болса, 10-ға ауыстырылсын. Алынған санды шығару керек.

4.4. Үш бүтін сан берілген. Осы топтағы оң сандардың нешеу екенін анықтау керек.

4.5. Үш бүтін сан берілген. Осы топтағы оң сандар мен теріс сандардың нешеу екенін анықтау керек.

4.6. Екі сан берілген. Олардың үлкенін шығару керек.

4.7. Екі сан берілген. Олардың кішісінің реттік нөмірін шығару керек.

4.8. Екі сан берілген. Олардың алдымен үлкенін, сонан соң кішісін шығару керек.

4.9. Нақты a,b айнымалылары берілген. Ол айнымалылардың кішісінің мәнін а -да, үлкенінің мәнін b -да болатындай етіп ауыстырылсын. Нәтижені шығару керек.

4.10. Бүтін a,b айнымалылары берілген. Егер шамалардың мәндері тең болмаса, олардың әрқайсысына осы сандардың қосындысы, ал тең болса, әрқайсысына нөлдік мән меншіктелсін. Нәтижені шығару керек.

4.11. Бүтін a,b айнымалылары берілген. Егер шамалардың мәндері тең болмаса, олардың әрқайсысына осы сандардың үлкені, ал тең болса, әрқайсысына нөлдік мән меншіктелсін. Нәтижені шығару керек.

4.12. Үш сан берілген. Олардың ең кішісін табу керек.

4.13. Үш сан берілген. Олардың ортаңғысын, яғни мәні қалған екеуінің арасында болатынын табу керек.

4.14. Үш сан берілген. Олардың алдымен ең кішісін, сонан соң ең үлкенін шығару керек.

4.15. Үш сан берілген. Олардың ең үлкен екеуінің қосындысын табу керек.

4.16. a,b,c үш нақты сандары берілген. Егер олардың мәндері өсу тәртібімен реттелген болса, сандар екі еселенсін, әйтпесе, әрбір сан қарама-қарсы санға ауыстырылсын. Сандардың жаңа мәндерін шығару керек.

4.17. a,b,c үш нақты сандары берілген. Егер олардың мәндері өсу тәртібімен немесе кему тәртібімен реттелген болса, сандар екі еселенсін, әйтпесе, әрбір сан қарама-қарсы санға ауыстырылсын. Сандардың жаңа мәндерін шығару керек.

4.18. Үш бүтін сан берілген және олардың бірі қалған екеуінен өзгеше (екеуі тең). Осы өзгеше санның реттік нөмірін табу керек.

4.19. Төрт бүтін сан берілген және олардың бірі қалған үшеуінен өзгеше (үшеуі тең). Осы өзгеше санның реттік нөмірін табу керек.

4.20. Сан осінде a,b,c нүктелері берілген. Соңғы екі нүктенің (b,c нүктелері) қайсысы а нүктесіне жақынырақ орналасқанын тауып, осы нүктені және одан а нүктесіне дейінгі қашықтықты шығару керек.

4.21. Жазықтықтағы нүктенің координаттары бүтін сандармен берілген. Егер нүкте координата жүйесінің басымен сәйкес келсе – нөлді, егер берілген нүкте ОХ немесе ОY осінің бойында орналасса, сәйкесінше 1-ді немесе 2-ні, ал басқа жерде жатқан болса 3-ті шығару керек.

4.22. Жазықтықтағы ОХ немесе ОY осінің бойында жатпайтын нүктенің координаттары берілген. Нүкте орналасқан координаттық ширектің нөмірін анықтау керек.

4.23. Қабырғалары координаттық осьтерге параллель тіктөртбұрыштың үш төбесінің координаттары бүтін сандармен берілген. Төртінші төбенің координаттарын табу керек.

4.24. Берілген нақты х үшін нақты мәнге ие f функциясының мәнін табу керек:

4.25. Берілген бүтін х үшін бүтін мәнге ие f функциясының мәнін табу керек:

4.26. Берілген нақты х үшін нақты мәнге ие f функциясының мәнін табу керек:

4.27. Берілген нақты х үшін бүтін мәнге ие f функциясының мәнін табу керек:

4.28. Жыл нөмірі берілген (оң бүтін сан). Жай жылда 365 күн, кібісе жылда 366 күн болатынын ескере отырып, берілген жылдағы күн санын анықтау керек. Кібісе жыл деп 4-ке бөлінетін жылды (100-ге бөлінетін және 400-ге бөлінбейтіндерден басқа) айтады. Мысалы, 300-ші, 1300-ші және 1900-шы жылдар – кібісе емес, ал 1200-ші, 2000-шы жылдар – кібісе жыл болады.

4.29. Бүтін сан берілген. Оның сипаттамасын беретін сөзді щығару керек. Мысалы, «теріс жұп сан», «нөлдік сан», «оң тақ сан», «екі таңбалы оң сан», т.с.с.

4.30. 1-999 аралығындағы бүтін сан берілген. Оның сипаттамасын беретін сөзді щығару керек. Мысалы, «екі таңбалы жұп сан», «үш таңбалы тақ сан», т.с.с.

Не нашли, что искали? Воспользуйтесь поиском: