Менеджмент туралы түсінік. Қазақстандағы стратегиялық менеджмент.

Менеджмент – кәсіпорынды ұйымдастырудың қағидалары, оны дамытудың стратегиясы, қызметкерлерді іріктеу туралы және олардың жұмысын оңтайландырудың тәсілдері туралы ілімдерді қамтитын кәсіпорынды тиімді басқару ғылымы.

Менеджментте басты нәрсе кез келген адамдық қарым-қатынастарға жарайтын баршаға ортақ басқару қағидаларын іс жүзінде бөлу, анықтау және қолдану болып табылады.

Менеджмент – нарықтық экономиканың қажеттіліктері мен жағдайына толығырақ жауап бере алатын басқару типі.

Қазақстан Республикасының әлеуметтік-экономикалық дамуын басқарудағы дербестілік саяси алғышарттарының қажеттілігі болып табылады. Сексенінші жылдардың екінші жартысынан бастап бұрынғы Кеңес одағында, сондай-ақ Қазақстанда қоғамдық-саяси ахуал қарама-қайшылықтар сипатталып, тұрақсыздықты көрсетті.

Республикамызда терең де батыл өзгерістерді жүзеге асыруда нақтылы алғышарттар қажет болды. Осы бағытта 1990 жылы 25 қазанда «Қазақстанның мемлекеттік егемендігі туралы Декларациясы» және 1993 жылы 28 қаңтарында Республиканың Ата Заңының (Конституцисының) қабылдануы мемлекетіміздің тарихындағы жаңа сәт болып табылады.

Аталып өткен құжаттардың Республикадағы саяси-экономикалық процестерді басқаруда маңызы зор. Оларда экономикалық тәуелсіздіктің негіздері, нарықтық қатынастарды қалыптастырудағы экономиканы басқарудың маңыздылығы көрсетілген. Бұл жәйт республика дербестігінің экономикалық алғышарттары мен өмір тіршілік басқарудың барлық сферасын анықтайды

Не нашли, что искали? Воспользуйтесь поиском: