Успамінаў былога чонаўца А. Атліваніка

На адваротным баку вокладкі кароткай справаздачы аб дзейнасці Быхаўскага павятовага гарадскога камітэта РКП (бальшавікоў) за перыяд з VI павятовай канферэнцыі 18 жніўня 1920 года па 25 студзеня 1921 года, надрукаванай у Быхаўскай савецкай друкарні, у чорнай рамцы змешчаны тэкст: «У час правядзення харчовага трохтыднёвіка бандытамі былі закатаваны тт. Часніцкі, Цёмкін, Раманаў (члены РКП) і т. Аўруцін (член павятовага камітэта камсамола). Вечная памядь і вечная слава загінуўшым за справу рэвалюцыі!»

3 1 па 22 лістапада 1920 г. ў Быхаўскім павеце праходзіў харчовы трохтыднёвік. На пра-вядзенне яго былі мабілізаваны 25 камуністаў, 25 членаў прафсаюза і 10 камсамольцаў.

Раз'ехаушыся па воласці, упаўнаважаныя павятовага камітэта партыі разгарнулі шырокую растлумачальную работу сярод сялян. Дзякуючы гэтаму колькасць нарыхтаваных прадуктаў для Чырвонай Арміі і пралетарыяту горада рэзка павялічылася. Гэта выклікала шаленства ў бандытаў і кулакоў. Пачасціліся іх выстунленні супраць органаў улады на месцы. На барацьбу з бандытызмам выступілі часці асобага назначэння (ЧОН). Быў арганізаваны такі атрад і ў мястэчку Журавічы Быхаўскага павета. Камандаваў атрадам дэмабілізаваны пасля ранення на фронце баец Чырвонай Арміі камуніст Батхан. Усяго ў атрадзе нас было 20 чалавек. Кожную ноч байцы неслі каравульную службу ў мястэчку і сельскагаспадарчай камуне, нярэдка ўступалі ў стычкі з бандытамі.

У лістападзе 1920 г. ў Журавічы прыбыла з Быхава камсамольская група ЧОНа з дзесяці чалавек пад камандаваннем члена павятовага камітэта камсамола І. Аўруціна. Па заданию Быхаўскага палітбюро (ЧК) патрэбна было разведаць абстаноўку у Даўгамошскай воласці. Па звестках, якія паступілі да нас, там дзейнічала банда. Атраду даручылі таксама правесці рэквізіцыю збожжа ў кулакоў. Раніцай атрад накіраваўся на заданне. У Доўгім Моху чонаўцы сабралі сход беднякоў і абмеркавалі пытанне аб рэквізіцыі. Адных актывістаў прызначылі ў гру­пы, якія пойдуць разам з камсамольцамі па хатах кулакоў, другім даручылі падрыхтаваць фурманкі. За справу рашылі узяцца, як толькі зоймецца золак. Далёка за поўнач стомленыя камсамольцы паснулі. Вартавы, які стаяў на вуліцы, таксама заснуў. Не спалі ў тую ноч ворагі. Уначы банда зняла вартавога і акружыла хату. Успыхнуў няроўны бой…

Мінула пяць дзён. Мы захваляваліся. Хлопцы ж абяцалі вярнуцца ў Журавічы праз 2-3 дні. Камандзір нашага атрада паведаміў павяткому партыі. У Доўгі Мох у спешным парадку быў накіраваны з Быхава чонаўскі атрад. Туды ж прыбыў конны атрад Гомельскага губернскага ЧК. Агульнымі сіламі ўдалося вылавіць бандытаў. Закатаваныя юнакі былі знойдзены пад ярусам накачанага на іх бярвення. Загінуўшых прывезлі ў Быхаў і пахавалі на брацкіх могілках.

УДЗЕЛЬНІКІ ВЯЛІКАЙ КАСТРЫЧНІЦКАЙ САЦЫЯЛІСТЫЧНАЙ РЭВАЛЮЦЫІ І ГРАМАДЗЯНСКАЙ ВАЙНЫ

Не нашли, что искали? Воспользуйтесь поиском: