Тапсырма. Ас қорыту органдары қызметінің сырт көріністерін зерттеу.

Керекті құрал- жабдықтар: Үй жануарлары, фонендоскоп немесе стетос коп, плессиметр, перкуссия балғашығы, секундомер, дәке, мақта, спирт, сабын, сүлгі, орамал.

Жұмыстың барысы:

І. Үй жануарларының азықты қабылдау, су ішу ерекшеліктерін зерттеу.

Малды азықтандыру, суару үстінде,оның басының қимылдарын бақылап, қабылданған азық үлесін шайнауға жұмсалған уақытты анықтау керек. Азықтың физикалық күйінің, азық сипатының шайнау мерзіміне әсерін зерттеу қажет. Мал азық жентегін жұтқан кезде оның басының кейпіне, қимылдарына, көмекей мен жұтқыншақ маңындағы еттердің қозғалыстарына көңіл аударып, байқалған құбылыстарды дәптерге жазып қою керек.

2.Күйіс қайыру механизмін бақылау

Күйіс малының (ірі қара, қой, ешкі) күйістеу кезінде басының, мойнының кейпін, көкірек қуысы мен кұрсағының қимылдарын бақылап, әрбір күйістікті ұнтақтауға малдың қанша күйсеу қимылдарын жасайтынын санап, бұл көрсеткіштің түлік түріне, қабылданған азық ерекшелігіне, малдың физиологиялық күйіне байланысын анықтайды. Тәжірибе үстінде бір күйістеу кезінде қанша шайнау қимылдары болғанын тіркеп отырады. Күйістеу кезінде малдың бір минутта және күйістеу кезеңінде қанша күйсеу (шайнау) қимылдарын атқарғанын анықтайды. Малдың күйсеу мерзімінің, кекіру жиілігінің, күйістеу мерзімінің ұзақтығының, қабылданған азық сипатына, малдың жасына, физиологиялық күйіне байланысын анықтайды.

Не нашли, что искали? Воспользуйтесь поиском: