III. Жалынның боялуы

3-тәжірибе. Тәжірибеде қолданылатын платина немесе нихром сымы өте таза болуы қажет. Ол үшін сымды концентрлі қышқыл ерітіндісімен бірнеше рет тазартып, жалынның түсі өзгермейтіндей болғанша, от жалынында әбден қыздырады. Қызған сымды калийдің құрғақ тұзына батырып, от жалынының түссіз бөлігіне ұстайды. Калий тұздары жалынды күлгін (фиолетовый) түске бояйды.

Натрий катионының Na⁺ дербес реакциялары

I. Калий дигидроантимонаты KH₂SbO₄ натрий катионымен ақ кристалл натрий дигидроантимонаты тұнбасын түзеді:

NaCl + KH₂SbO₄ = NaH₂SbO₄ + KCl

Na⁺ + H₂SbO₄^- = NaH₂SbO₄

1-тәжірибе. 5-6 тамшы натрий тұзының ерітіндісіне сондай көлемде калий дигидроантимонатын тамызып, шыны таяқшамен араластырыңдар. Натрий дигидроантимонатының ақ кристалл тұнбасы түзіледі.

Тәжірибені жүргізу шарттары:

1. Натрий катионы бар ерітіндінің концентрациясы жоғары болуы керек.

2. Реакцияны салқын жерде жүргізу керек.

3. Реакция ортасы бейтарап болуы қажет, себебі қышқылдық ортада калий дигидроантимонаты ыдырайды.

4. Сыртқы әсерлерді (шыны таяқшамен араластыру) қолдану қажет.

5. Бөгде катиондардың болмауы қажет.

Не нашли, что искали? Воспользуйтесь поиском: