Тіркеуші органдарда некені (ерлі-зайыптылықты) бұзу

Азаматтық хал актілерін жазу органдарында некені (ерлі-зайыптылықты)бұзу кәмелетке толмаған ортақ балалары жоқ және бір-біріне мүліктік және өзге де талаптар қоймайтын ерлі-зайыптылардың некені бұзуға өзара келісуі жағдайында жүргізіледі.

Қазақстан Республикасының «Неке (ерлі-зайыптылық) және отбасы туралы» Кодекстің 17-бабының 2-тармағы бойынша ерлі-зайыптыларға ортақ кәмелетке толмаған балаларының болуына қарамастан, ерлі-зайыптылардың біреуінің өтініші бойынша, егер ерлі-зайыптылардың екіншісін:

1. сот хабар-ошарсыз кеткен деп таныса;

2. сот әрекетке қабiлетсiз деп таныса;

3. сот әрекет қабiлетi шектеулi деп таныса;

4. қылмыс жасағаны үшiн кемiнде үш жыл мерзiмге бас бостандығынан айыруға соттаса, неке (ерлi-зайыптылық) ерлi-зайыптылардың кәмелетке толмаған ортақ балаларының болуына қарамастан, ерлi-зайыптылардың бiреуiнiң өтiнiшi бойынша тiркеушi органдарда бұзылады.

Некенің (ерлі-зайыптылықтың)бұзылуын мемлекеттік тіркеуді азаматтық хал актілерін жазу органы азаматтық зал актілерін мемлекеттік тіркеу үшін белгіленген тәртіппен жүргізіледі.

Сот қайтыс болды деп жариялаған немесе сот хабар-ошарсыз кеткен деп таныған жұбайы келген және тиісті сот шешімі күшін жойған жағдайда некені (ерлі-зайыптылықты)ерлі-зайыптылардың бірлескен өтініші бойынша азаматтық хал актілерін жазу органы қалпына келтірілуі мүмкін. Егер жұбайлардың екіншісі жаңа некеге отырса, некені(ерлі-зайыптылықты)қалпына келтіруге болмайды. Ал неке (ерлі-зайыптылықты)қию кезінде тараптарға (немесе тараптардың біреуіне) қайтыс болды немесе хабар-ошарсыз кетті деп танылған жұбайы тірі екені белгілі болса бұл ереже қолданылмайды.

Не нашли, что искали? Воспользуйтесь поиском: