Контрактация келісім шарты

Бұл келісім шарт ҚР Азаматтық кодексінде формальды түрде «келісім шарт жасасу туралы келісім шарт» деп аударылған. Әрине, латын тілінен аударғанда «контракт» сөзі қазақ тілінде «келісім шарт» деп түсініледі. Алайда, бұл келісім шарттың «контрактация» деген атауы Кеңес одағында тарихи қалыптасқан, ТМД елдерінің заңнамасына бұл термин осы атауымен енгізілген. Реттелуші құқықтық қатынастардың мәніне сай, бұл келісім шарт қазақ тілінде «Ауылшаруашылық өнімдерінің жеткізілімі» деген атауға ие болатыны жөн; немесе, латын терминологиясын сақтай отырып, «Контрактация келісім шарты» деп те атауға болады, себебі біздің заңнамамызда көптеген латын терминдері аудармасыз тікелей қолдануда.

Шарттың түсінігі. Келісім шарт жасасу (контрактация) шарты бойынша ауыл шаруашылық өнімін өндіруші өзі өсірген (өндірген) ауыл шаруашылық өнімін – өндеу немесе сату үшін осындай өнімді сатып алуды жүзеге асыратын дайындаушы тұлғаға беруге міндеттенеді.

Сатып алушы бұл шартта дайындаушы (контрактант) деп аталады. Дайындаушы ретінде ауыл шаруашылық өнімдерін өңдеу үшін немесе басқа тұлғаларға сату/айырбастау үшін алатын коммерциялық заңды тұлға танылады. Дайындаушы ретінде мемлекет мұқтаждығына ауылшаруашылық өнімдерін сатып алатын арнайы заңды тұлға болуы мүмкін.

Ал өндіруші ретінде әдетте шаруа қожалықтары, дара кәсіпкерлер, ауылшаруашылық саласындағы коммерциялық заңды тұлғалар бола алады.

Келісім шарттың объектілерін екі түрге бөлуге болады: 1) өсімдік өнімдері, 2) мал өнімдері.

Шарт нысаны жазбаша. Тараптардың міндеттері, құқықтары, жауапкершілігі туралы ерекшеліктерді білу қажет.

Жылжымайтын мүліктерді сатып алу-сату, оның ішінде кәсіпорынды, жер учаскелерін, тұрғын жайларды сатып алу-сату шарттарының ерекшеліктерін де білу абзал.

Не нашли, что искали? Воспользуйтесь поиском: